رواية رومنسية جريئة واقعية خيالية...تستحق القراءة>>> لاتفوتكم

(15)
يوم الخميس....
ناصر: ايه مثل ماقلت لك .... لكن مو تثقلها عليه اوكي......
اعلمك ياساره تتحديني مره ثانيه,,,,,,,,,

رجعت بيتهم... اليوم الخميس كل اهلي في البيت... الحمدلله عشان انسى الغثيث شوي......
الساعه 1 رجعت بيتهم...
دخلت الصاله لقت ابوها وعبدالرحمن وسعد بالصاله...... حست الجو مكهرب..
سلمت عليهم وردوا بدون نفس ... ساره اكيد صاير شي.......
راحت لأمها واخواتها وحريم اخوانها في المقلط...
سلمت عليهم......
ساره : هدى ايش صاير.......
هدى: سعد مديره مسوي له مشكله في البنك وتعرفينه مامسك نفسه وتهاوش معاه واحتمال يقدم استقالته.. وعبدالرحمن مدير الشركه اتهمه بأختلاس اموال من حساب الشركه........

ساره: دارت فيها الدنيا........... سواها النذل سواها.......... قامت وراحت تركض لغرفتها .... رمت حالها على السرير.. وبكت ......... وهي ماسكه اللحاف بقوه وتضرب على السرير .......... ليش........ ليش...........وبكت ليما نشفت دموعها..........
ياربي .... تساعدني... يمكن مو هو ........ لكن اخواني ولا مره صارت لهم مشكله مثل كذا...... لالا اكيد هو نفذ تهديهده........ اوافق عليه او اخرب بيوت اخواني..
الا اخواني سندي وغزوتي ....... اخذت جوالها وهي خلاص منهاره......... دورت رقمه .. اوووف وينه.... هذا هو (حاطه اسمه.. براد بيت السعودي).. حاولت تتماسك قد تقدر عشان مايحس انها منهاره......
ناصر: كان على مكتبه وشغل الاب توب... ومريح على الكرسي...
ليش سويت كذا.. راضي عن نفسك الحين... ضريت ناس مالهم ذنب,,, كل شي مباح في الحب والحرب..هههههههههه.. رن جواله.. ابتسم .. جبت راسك ..
ناصر: هلا وغلا بهالصوت.......
ساره: ا...............
ناصر: الو......
ساره : وهي شوي بتبكي.... الو....
ناصر: ش فيك.. متصله تبشريني ,,,
ساره : انت...... اخواني....
ناصر: كسرت في خاطره كلمتها.. انت...نتهد... انتي اللي اجبرتيني..
ساره: نزلت دموعها...... حرام عليك......
ناصر: تبكين ياساره بسببي وينها ساره القويه اللي محد يقدر يهز لها طرف.. اثاري هي ضعيفه من داخل.. كره نفسه.. اصعب شي عنده دموع المرأه مايقدر يقاوم.. ساره اهدي.. صدقيني ماراح تندمين..
ساره:..........................تبكي..
ناصر: الو...... ساره انتي معي؟
ساره: ايه.... توعدني تصلح كل المشاكل اللي سببتها لأخواني..
ناصر: كأنها طفله وهي تترجى.. اكيد...
ساره: .....وعد رجال.....
ناصر: وعد رجال..........
ساره: ا..........نـا.....
ناصر: انتي شنو...




ساره : ............مـ.......و.....ا....فـ..........قـ.... ه

ناصر: سمع لكن يستعبط... ايش ماسمعت؟؟ انتي ايش؟؟
ساره: خلاص مو قادره عليه.. انت وعدتني وسمعت ايش قلت.. طووووووووووط
ناصر: ابتسم بأرتياح........ هين ياساره خليكي تصيرين ملكي وتسكرينه بوجهي مره ثانيه.. لكن واجد كسرت بخاطري.. لهدرجه انا شرير(توك تدري)...

ساره : دخلت في نوبة بكا................... فجأه اندق الباب.......منو..
هدى : انزلي تغدي حبيبتي........
ساره: مابي شي........
هدى : فتحت الباب وهي حامله لينا.. ساره حبيبتي اش فيك؟
ساره : وهي تمسح دموعها.. ولاشي.. متضايقه شوي..
هدى : جلست جنبها وهي تمسح على ظهرها.. طيب قولي اش فيك.. يمكن اقدر اساعدك؟؟؟؟؟امي واماني يقولون لك كم يوم منتي على بعضك.. اشفيك؟؟
ساره: (مااحد يقدر يساعدني.. خلاص انا طحت بيد واحد ظالم ومايخاف ربه..يبيني اصير ملكه وبس عشان يذلني ويكسر راسي.. بوقع صك اعدام مره ثانيه)..............
هدى : وهي تهزها.... ساره وين رحتي..
ساره : هاا.. هنا..
هدى : ماتبين غدا.......
ساره : لا.... بنام والعصر اتغدى..
هدى : على راحتك........ وقامت طلعت......
ساره.. طفت الأنوار وسكرت النوافذ... نامت على السرير .. خلاص انتهى كل شي.. لها اكثر من ثلاثه ايام لا تاكل ولا تنام ولا تكلم احد... نامت من كثر البكا والتعب........

ناصر: راح بيتهم وهو مبسوووووط ع لآخر... وافقت ساره.. اول شي احل مشكلة اخوانها واوفي وعدي لها... بعدين اكلم اخوها سعد اسأله وافقت او لا... قصدي اسمع موافقتها.....ههههههههههه.......
مسك جواله وحل المشكله ونفذ وعده...... لالا اتصل في سعد بعدين ..
العصر دق على سعد......
سعد : هلا ابوعبدالله..
ناصر: صوته مروق.. يعني انحلت المشكله.. ياهلا فيك .. شلونك اخبارك..
والخ.............
سعد : ولا يهمك اليوم اسألها وارد عليك.. خير ان شاءالله..
ناصر: تسلم يارب.. منتظر مكالمتك..
سكر من عند سعد.. آآآه اخيرا ياساره...... اممممم لو على كيفي الملكه والزواج بيوم واحد... واليوم بعد.....لالا شفيني مستعجل... ههههههههه صحيح انك لعبتي بعقلي........

صحت ساره وهي مصدعه.. طالعت الساعه... يالــــــــــله الساعه 8.. قامت بسرعه توضت وصلت العصر والمغرب والعشا.. نزلت .. سمعت اخوانها يضحكوا.. اكيد حل المشكله....
راحت لأماني كانت بالمطبخ تسوي شاي...
ساره : بشري صار شي..
اماني: اسكتي.. المشكلتين صاروا بنفس اليوم وانحلوا بنفس الوقت سبحان الله..
ساره : تضحك بداخلها.. اللي مايدري مايعلم.. طيب كيف انحلوا.....
اماني: مدير سعد دق عليه واعتذر له... اما عبدالرحمن اتصلوا وقالوا حصل خطأ في الحسابات... المهم كل شي رجع طبيعي الحمدلله.......
ساره: الحمدلله.........صبت لها كوب شاي وراحت الصاله...
سعد : ساره ... تعالي ابيك......
ساره : طيب... وراحت وراه المجلس.. لقت ابوها وعبدالرحمن...
جلست جنب سعد.........
سعد : الرجال المتقدم لك كلمني العصر.. يسأل عن رايك...
ساره : سكتت........تطالع في سعد.... عبدالرحمن......... ابوها.........ممكن يتدمروا بسببي كلمة لا.................

عبدالرحمن: ش فيك ساكته.. نعم... او ..لا.......
ساره: حست دموعها بنتزل.. لكنها تماسكت...خايفه من تجربه ثالثه.. يمكن تفشل... لكن ماتقدر تنطق..
سعد: ساره ليش ساكته.. نعم او لا.....
ابوعبدالرحمن: يابنتي اذا مو موافقه براحتك.. محد راح يجبرك على شي...
ساره: .....................................
ساكت ومالي راي.. صوتي انحبس وياي..
اللي اختنق بالهوا.. ماتفيده قطرة ماي..
يسكن معاي الخوف.. يمشيني وين اطوف..
علمني كلمة لا...... سو فيني هالمعروف...
لالا.. نعم ... لالا.. اللي نطقته نعم.. واللي قصدته لا......
لالا...نعم...لالا...........
ياماسهلك يانعم... وياماصعبك يا.......لا......
ساره: .....................نعم.........موافقه....
سعد: متأكده حبيتي وحط يده على ظهرها..
ساره : لا تذبحني... لا تزيد جروحي وخوفي... ايه..
سعد : طيب مبروك ... وباس جبينها..
ساره :نزلت راسها وقامت لغرفتها.. سكرت الباب واستندت عليه وبكت...

في الليل........
ساره مو قادره تنام من الخوف........ تتقلب على سريرها,,, وفكره توديها وفكره تجيها...

ناصر... مبسووووووط ع لآخر.. بكره بشوفها.. اللي يسمعه ماشافها ابد.......

في الشركه........
رغد: والله منتي هينه.. جبتيه..
رهف: مبروك حبيتي.. الله يعوضك كل..
نسرين : انا من شفته يبستم بعد ماكبت عليه القهوه وانا اقول الموضوع فيه أنـــ..
ههههههههههههههههه..
كلهم ضحكوا الا هي..نزلت راسها وحست دموعها بتنزل..
رهف: وهي تلكزها..ياعيني على الخجل..
نسرين: ههههههههه.. رهفوا لا تحرجيها...
ساره : اقول كأنكم مصختوها.. ولا تنعطون وجه...
رغد : لا والله.. اجل لما جيتي وقلتي للبنات لاأحد يجي مكتبي اثاريه غيره مو شي ثاني... من ورانا هاا..
ساره : والله انكم فاضين.. بروح استأذن .. ابي اطلع الساعه 4...
رغد : مايحتاج.. عندك فيتامين واو...
ساره : طلعت ولا ردت عليها.. اسأذنت من المدير وراحت مكتبها تجهز اغراضها..
ابواحمد: مرحبا اخ ناصر..
ناصر: ياهلا فيك..
ابواحمد: الف مبروك..
ناصر: الله يبارك فيك..
ابواحمد: بغيت اسألك عن ,,,,,,,,,,,,,, موجوده عندك اولا..
ناصر: اي موجوده عندك.. تحب اجيبها لك..
ابو احمد: والله ياريت بس مانبي نكلف عليك بعد بتصير من الأهل..
ناصر: هههههه لا شدعوه هذا شغل ومافيه اهل او غيره (ايه كثر منها)... خلاص انا اجيبهم لك الساعه 4بالكثير..
ابواحمد : طيب بانتظارك..
ناصر: اممم مع اني الليله بشوفها.. لكن واحشتني بقوه........

ساره : الساعه 4 طلعت من الشركه...
ناصر: جا ولقى مكتبها فاضي.. وين راحت.... دخل لأبو احمد وقعد معاه نص ساعه وطلع.....
ناصر: وين راحت .. مو عادتها تطلع قبل الدوام...... ادق عليها اشوف..
ساره: كانت بالسياره.. ومايله راسها على النافذه.. وتفكر وهي خايفه..
رن جوالها..... شافت الرقم.......هذا ش يبي بعد.. هو سبب همي.. حطته صامت..
ناصر: ؟؟؟؟؟؟؟.. بعدك على عنادك...طيــــــــــــب...

ساره راحت البيت ...
لقت خواتها كلهم موجودين ويحضروا كل شي لليله..
سلمت عليهم .. بعدما اخذت لها شاور.. راحت لصالون تسوي شعرها..

المغرب رجعت ........
اممم شنو البس ... الجو بارد...
اوكي هذا حلو..
لبست بلوزه طويله اكمام شوي لونها ابيض سكري.. رقبتها واسعه وكبيره.. وفيها حزام اسود رفيع ... مع تنوره لونها اسود وفيها فتحات من جنب للركبه.. مع بوت اسود كعب للركبه.. حطت لها زي عادتها مكياج ناعم.. ظل وردي طبيعي وغلوس وردي وكحل وماسكارا... واكسسورا ناعم ..وطبعا شعرها خلته سايح .. وجلست بغرفتها تستنى.. متوتره خايفه ماتدري بشنو تحس.......

ناصر.. وماادراك ماهو ناصر...
طبعا لبس ثوب وشماغ.. والساعه الفخمه والكبكات الرووعه.. والعطر اللي يدوخ.. ومنعم الشنب واللحيه ..وراح.. يلا بسرعه......
ندى: اموووت واعرف على شنو مستعجل.. البنت مابتطير... ولو تطير احسن لها..
بدريه : وبعدين معاكي انتي....
نوره : وهي تضرب كتفها انتي ماراح تجوزين عنه لين يذبحك...
ناصر: تكتف وهو يضحك.. لالا ماراح اذبحها.. انا واحد بتزوج ومابي ادخل سجون في ناس ماتسوى.......
ندى: ايوااااااااا.. وينك ياساره اسمعي وشوفي...
ناصر: هههههههههههههه لا يكثر يلا.. وين عبدالله..
بدريه : هذا هو جاهز يلا..يمه ,,,
ام فهد : بدون نفس... يلا نشوف آخرت هالساره......
ناصر: طنشها ومشى..
ركبوا سيارته الدودج شارجر.. ومشوا لبيت ساره..........
ساره.........سمعت جرس الباب......جوا ياربي تعينني........

دخل ناصر المجلس مع سعد.. اما الحريم راحوا المقلط مع ام عبدالرحمن..
جو اخوات ساره وسلموا عليهم... طبعا ام فهد تطالع في كل شي كأن مو عاجبها..
اخوات ساره حسوا بهالشي.. لكن بدريه و نوره كانوا يسولفون معاهم عادي ..وندى تضحك..
ام عبدالرحمن: فاتن يمه قومي نادي اختك..
قامت فاتن وراحت لساره غرفتها...
فاتن: يلا قومي انزلي.. الجماعه بيون يشوفوك..
ساره: ..................
فاتن: هزت كتفها.. سساره..
ساره: هاا.. يلا..
ونزلت ... وهم على الدرج..
ساره: ماقالوا اذا يبي يشوفني اولا...
فاتن: لا.. واذا طلب من حقه..
ساره : لاحووووووووووول هذا شايفني وشبعان شوف.. لكن يسويها,,
جات ساره..
انهبلوا عليها.. صحيح مختلفه عن اخواتها في كل شي..
نوره: ماشاءالله.. سلمت عليها .. ياحظه اخوي..
سلمت على ام فهد... اللي سلمت عليها بدون نفس...
ساره :هذي امه الله يعينني..
جلست بين ندى ونوره..
نوره: بصراحه اخوي مستعجل تخيلي يبي الزواج والملكه بيوم واحد...ههههههههه
ساره: نزلت راسها.. مستعجل على ذبحي لهالدرجه..
ام فهد بصوت واطي: منزله راسها .. اللي يشوفها يقول بنت مو مطلقه..
بدريه: وهي تهمس.. يمه لا يسمعونك الجماعه.....
لكن ساره سمعتها...شكله ماخذني واهله مو موافقين...
نوره: اللي ماخذ عقلك..
ساره: ها.. ونزلت راسها.. هههههههههه
ندى: اقول اخوي المطفوق قال يبي يشوفك.. ماكأنه حافظ وجهك بالشركه..
نوره: لا تحرجين البنت وبعدين معاك...
اندق الباب......
طلعت اماني... ورجعت.. ساره.. سعد يبيك..
ساره: جاك الموت........ قامت..
ندى: ماقلت لك سواها اخوك .. الا يبي يشوفها.......
سعد : اوووه ايش هالحلاوه.. المعرس يبي يشوفك...
ساره : وهي مرتبكه.. لكن هو شافني من قبل..
سعد : بالشركه غير.. يلا روحي سوي قهوه وتعالي..ترى هو اللي طلب قهوه من ايدينك..
ساره: تخصرت ..بعد من اولها يشترط....
سعد: ههههههههههه.. يلا روحي سويها وتعالي..
ساره: زين..راحت المطبخ.. حطت الماي يغلي..
وكان في واحد في بيتهم يغلي..
ناصر: اووووووف مو قادر اتحمل اكثر.. احس كأن نار تحتي..
جهزت القهوه.. ياريت عندي سم احطه فيها واخلص منه.......
راحت المجلس.. دقت الباب....
ناصر: عدل قعدته وركز نظره على الباب.......
سعد فتح الباب.......

دخلت.... ووقفت عند الباب.......وهي حامله صينية وفيها قهوه.........

ناصر: هذي هي.... لالا خلاص ...............
كل شي فيها يسحرني... وجهها شعرها.. جسمها اللي يجنن.. ملامحها البريئه.. اموت على مكياجها الناعم...
حتى ملابسها.. باين انها ذوق.. تذكر لما راح يشوف هيفاء.. فرق السما عن الأرض..
ماعاد اقدر.. ناظرها من فوق لي تحت وهي منزله راسها..
سعد : ادخلي.. قدمي القهوه..
قربت.. قربت..ناصر... اعلن حالة الطوارئ.........
كم صار رقيق قلبي..حين تعلم بين يديك..
كم كان كبيرا حظي.. حين عثرت ياعمري عليك..
يانار تجتاح كياني.. يافرحا يطرد احزاني..
ياجسدا.. يقطع مثل السيف.. ويضرب مثل البركان..
يا... وجها يعبق مثل حقول الورد..
ويركض نحوي كحصاني..
وقف ناصر.......... ومد يده........
حطت القهوه على الطاوله..
وناظرت سعد..
سعد: سلمي على خطيبك ان شاء الله...
ساره: مدت يدها البارده بشويش.. ليده..
ناصر:مسك يدها........واخيرا... يالله قد ايش بارد وكفها صغير في كفي..
كان ماسك يدها ويناظر وجهها.. وهي منزله راسها.. ضغط على يدها..
ساره: المني هالمجنون.. رفعت عينها.. وجات في عينه.. ونزلت راسها..
سعد؛:؟؟؟؟؟؟؟؟؟؟؟؟؟؟؟؟؟؟؟
ترك يدها اخيرا.. ولفت بتمشي...
سعد: وين اقعدي معانا شوي تعالي جنبي..
ناصر: وده يبوس سعد لي بكره..
ساره: ودها تذبح سعد.. جلست جنبه .. على كنبه مزدوجه .. وناصر كان في الزاويه مقابل سعد..
ناصر: شلونك ساره؟
ساره: لا والله من وين .. صاير الاخ ذرب .. الحمدلله ..
ناصر: شلون الشغل..
ساره: الحمدلله..
ناصر: ماعندها الاهالكلمه(مثل ذاك اللي في مسرحية لن اعيش في جلباب زوجتي..ههههههه)..
سعد: تفضل القهوه..
اخذ فنجان وهو يشرب ببرود وهو يطالع ساره.. احلى قهوه بحياتي..
ناصر: تسلم ايدك على القهوه..
ساره: الله يسلمك..
دخلت بنوته صغيره المجلس.. وراحت جهة ساره ووقفت جنبها..
سعد: ليونه حبيبتي روحي للماما..
لينا:ابغى حاله لالاه....
ناصر: ابتسم.. والله شكلها تحب الأطفال.. حلو حلو..
لينا: تضرب ساره بيدها تبيها تحطها على حضنها.. وفي الأخير حطتها على حضنها ولنيا حضنتها وقامت تبوس فيها.. وغطت وجه خالتها..هههههههههه
ناصر: اوووووووف هاذي ايش جابها...
سعد : يلا قومي ساره وديها لأمها..
ساره : ماصدقت خبر.. وقامت على طول..
ناصر: اووف...
ساره: طلعت من المجلس وهي تبوس لينا....... امووووووووت فيها...
هدى: من وين جايببتها .. وانا ادور عليها........
ساره: وهي حاضنه لينا....... معاي....
جا سلمان....... يقول سعد نادوا الجماعه.. بيمشوا..
راحت لهم هدى.. وقاموا..
نوره : وهي طالعه.. سارونه حبيبتي اي شي تبينه دقي علي بأي وقت..اوكي...
ساره: تسلمين حبيبتي......
مشوا... رمت نفسها على اقرب كنبه..
ام عبدالرحمن: حددوا الملكه بعد اسبوع.......
ساره: ايششششششششششششششششششششششش؟؟ وانا آخر من يعلم...
ام عبدالرحمن: ظنيت ان عندك علم.. ام فهد تقول ان ناصر هو اللي حدد..
ساره: اقول لكم مستعجل على ذبحي هذا..طيب مافي وقت افصل فستان..
فاتن: اشتري جاهز..........وبعدين هم قالوا يبون يسوون حفله كبيره وفي صاله..
ساره:؟؟؟؟؟؟؟؟؟؟؟؟؟؟؟ من جد؟؟؟؟؟؟؟
فاتن: ايه........يبي يعوضك عن كل شي..
ساره: تركتهم وراحت غرفتها... نامت على سريرها..يارب يكون حلم.. يارب..
رن جوالها.......مسج .. اكيد منه..
فتحته........
قولي لي كيف سأنقذ نفسي من اشواقي واحزاني..
قولي لي.. ماذا افعل فيك.. انا في حالة ادمان..
قولي ماالحل.. فأشواقي وصلت لحدود الهذيان..
ساره:؟؟؟؟؟؟؟؟؟؟
ناصر: وصل اهله وراح لعند البحر.. معقوله اكون احبها.. طيب احساسي مو قادر اتحكم فيه...
رن جوال مسج منها..
وانا ش سوي لك يعني روح مستشفى الأمل(مستشفى علاج الأدمان)
ناصر:هههههههههههههههههههههههههههههه.. امووت على خفة دمها.. خلاص ياساره كلها اسبوع وتكونين لي.......

مر ثلاثه ايام..ناصر يدق على ساره وهي ماترد.. ساره من مجمع لي سوق ومالقت فستان.. وخواتها محد فاضي يروح معاها.. ياربي ش سوي.. لازم اشتري شي فخم.. الحفله في صاله..
رن جوالها...
ساره: هلا نوره...
نوره : هلا وغلا... شلونك اخبارك..
ساره: اسكتي تعبانه من سوق لسوق ومو لاقيه شي,,, اجي من الدوام يادوب اصلي واطلع على طول..
نوره : وللحين مالقيتي شي يعجبك؟
ساره: لا........
نوره: طيب انا وندووش رايحين الراشد تجين معنا؟
ساره: والله مدري؟
نوره: لا تخافي السواق بيودينا..
ساره: هههه لا موقصدي.. لكن.. تدرين اسأل امي وارد عليك.. اوكي..
نوره : اوكي. . استنى ردك.. باي......
ساره قالت لأمها ووافقت.. لأن اخواتها مشغولين كل وحده بعيالها ...
وصلت سيارتهم .. ساره طلت من الشباك.. ايه سياره عائليه.. والسواق هندي تمام..
ونزلت وركبت السياره..
ندى: هلا والله بمرت اخوي..
ساره: ههه هلا بك..
نوره: ماعليك منها ماعندها سالفه. . اخبارك انتي..
واندمجت مع نوره بسرعه........ ندى طول الطريق مشغوله بجوالها ... مسج رايح ومسج جاي...
نوره : اووف ترى ازعجنا جوالك..
ندى: كيفي سيارة ابوي..
ساره :هههههههههههههه.. كأنكم توم وجيري..
نوره: هاذي.. تعالي شوفيها مع ناصر.. ساعات وده يذبحها...
ساره: نزلت راسها وضحكت..
ندى: ايوااااااااااا.. ياعيني ع الخجل. . وينك ياناصر تعال وشوف..
نوره: ضربتها... بس عاد ..
وصلوا الراشد...
دخلوا كم محل... نوره وندى اخذوا لهم فساتين.. اما ساره ماعجبها شي..
نوره : سارونه هذا آخر محل... اذا ماعجبك شي نروح مجمع الظهران..
ساره: ان شاءاللله الا قي تعبت .. وبكره عندي دوام..
ندى: المفروض خلاص تقدمي استقالتك..
ساره: لا مستحيل .. حتى بعد الزواج.. بظل اشتغل.. وبعدين مو كل اللي يشتغل محتاج..
نوره: هذي اللي يبيها ناصر..
دخلوا محل...
اممم نوره شوفي هذا.. فستان اصفر لونه هادي مرره .. وفيه شك بالفضي من فوق عند الصدر والخصر.. وتحت نهاية الفستان.......
نوره : يجننننن.. ذوقك خطير...
ساره: هههه
رن جوال ندى في نفس هالوقت شافت واحد مثله لكن لونه اخضر...
ردت وهي تتكلم.. سارونه شوفي هذا اخضر احلى.
ناصر: ؟؟؟؟؟؟؟؟؟
ندى:الو؟؟؟
ناصر: انتي منو تكلمين؟؟
ندى: هلا اخوي... لالا اكلم وحده صاحبتي..
ناصر: طيب انتو وين؟
ندى: في الراشد..
ساره: ندى الأخضر مو حلو.. الأصفر احلى وانعم.. شوفيه..
ندى: هاا ....... ايه..........
ناصر: هذي سارتي..
ندى: للحين ماصارت سارتك..
ناصر: طيب .. باي......
نوره: منو تكلمي..
ندى: اخوك المعرس...
ساره: ههههههههههههه..
اخذت ساره الفستان الأصفر.. وركبت معاه صندل فضي.. وطلعوا من الراشد..
ندى :اووف هذا ماجا ومايرد على جواله......
كان يطالعها وهي تمشي... كأنها تدوس على قلبه.. صوت دقات قلبه مسموع.. اقوى من كعب جزمتها..
نوره: هذي السياره..... ركبوا..
ندى: ليش متاخر هااا.. والله اعلم بابا ناصر..
السواق :...................
نوره: سارونه قولي كيف كبيتي القهوه على ناصر.......
ساره: ههههههههههه.. قالك..
نوره: ايه... بس كان شكله يضحك وهو داخل والقهوه على ثيابه كلها.. زين مااحترق..
ساره: حرق قلبي.. ايه اللي صار............... وقامت تسولف مع نوره وتضحك....

يسمعها تضحك وتسولف وهو بيي يكون معاها اليوم قبل بكره... امووت على صوتها وهو تضحك.. كل شي فيها يفتنني...

السواق كان حاط fm
جات اغينة حطيتك في بالي.. علا الصوت ...
ندى : ايييه كومارو وطي الصوت...
ساره ونوره:؟؟؟؟؟؟؟؟
مد يده... هذي مو ايد السواق..
ندى: كاني اعرف هالعضلات.. هاااااااا..
ضحك السواق........
ساره: انقلب وجهها الوان....... الله ياخذه بس يبي يحرجها....
نوره : ناصر؟؟؟؟؟؟؟؟؟؟
ناصر: ضحك............
ندى: وين السواق........
ناصر: ماخذ اجازه.......
ندى: يمه منك انت..
ناصر: ساره شلونك....
ساره:..............بخير... اخبارك
ناصر:.................
ساره: احسن مارد..
طول الطريق ساره مستغربه من هواش ندى مع نوره وناصر... وتضحك..
وصلوا بيت ساره..
نزل هو فتح لها الباب..
اتافجأت لما فتح لها الباب.. فتح وظل واقف... وهي مو قادره تمر..واقف قدامها ومافي مسافة الا كم سم بينهم.. حست بانفاسه على وجهها.. رفعت عينها على وجهه.. ممكن..
ناصر: ابتسم..تفضلي.. هذا اللي ابيه..
بعد.. استنى ليما دخلت وبعدين ركب السياره.......
ندى: مافي منك نسخه..
ناصر: لا ..........
وصلت بيتهم.. جربت الفستان..
لالا مضبوط..
رن جوالها.. اكيد مسج منه...


حبيبــــــي..
كلها يومين.. واجدد بالهوا لقياك..
واهني بشوفتك عيني.. واسولف لك عن اخباري..
ترى هالدنيا ماتسوى.. اذا ماعشتها وياك..
عليك الله وامان الله تطفي بشوفتك ناري..
ش سولف لك عن اخباري........




قراءة ممتعة...

شجوني.....

يسلمو اياديك ويعطيك العافيه

يسلموو يسلموو يسلموو شجونه وه وه فديتك ننتظرك ياحلوة لاتطولين

مشكووورة شجوووووني

ننتظرك ولا طولي علينا اوووووووووكي

يسلمو يالغلاااااا

على المرور..

لكم حبي واحترامي...


شجوني...

(16)

بعد ماقرت المسج......
ساره: لو مهما تسوي.. مستحيل اغير رايي...وماراح يكون لك ولا نقطه حب بقلبي...
ناصر:............ ليش ماردت........... ماشي ياساره الأيام بيننا........

راح بيتهم ونام............

مر يومين..........
وساره ماتنام واكلها قليل.. ناصر مرووق ومبسوط.. وراح مع نوره وندى واشتروا الشبكه والدبل والساعات...
نوره: اوووف زهقتني وتعبت..
ندى : مو عاجبه شي..
ناصر: شوفوا لا تقعدوا تتحلطمون على راسي.. انا مابي شي عادي.. ابي شي مميز وراقي..
ندى: اقول اخوي روح برا سوي استنساخ منك...
ناصر: عقد حواجبه .. وليه؟
ندى: ابي اتزوج نسختك.......ياحظها ساره........
ناصر: ههههههههههههه سخيفه..توك قبل يومين عظم الله اجرها..
اشترى لها شبكه الماس رووعه.. ناعمه وفي نفس الوقت فخمه.. وطبعا ساعات من ديور.. ولاننسى الدبله الألماس..
وصلوا البيت..
شافت ام فهد الشبكه: رمتها بدون نفس.. والله خساره فيها كل هذا.. اكسسوار ويخب عليها........
ناصر: شال الأغراض وطلع فوق ولا كأنه سمعها........
طالع فيهم.. والله مو خساره فيك.. الا قليل عليك ياساره..
مسك جواله وارسل لها مسج..
حبيبتي شريت الشبكه والدبل والساعات.... صحيح حلوين لك عليك راح يكونوا احلى واحلى........
ساره:؟؟؟؟؟؟؟؟؟؟ هههههه قال حبيتي قال.. وزي العاده ماردت عليه..
يوم الأربعا........
اليوم الملكه.. وبكره الحفله ... ناصر هو اللي قال كذا عشان ماتتعب العروس.. وتغيب عن دوامها...... بيني وبينكم عشان يشوفها ثلاثه ايام متواصله ولا تحجج بدوامها.. فاهم تفكيرها.......
ساره: بعد ماكلمتها نوره... ودقت على الصالون اكدت حجزها..
اووف منه متعمد يسوي الحفله يوم خميس..
في الشركه.......
رغد: ساره؟؟؟؟؟؟؟؟؟؟؟؟؟؟؟؟؟؟؟؟
ساره: ايه شايفه جني.. وبعدين ليش مامر علي السواق؟؟
رغد: لا توقعتك ماراح تجين الليله ملكتك.. ليش جايه..
ساره: الملكه بالليل.. يعني مافي مشكله لو داومت...
رغد: صحيح انك مجنونه.. لكن تدرين منو عند ابواحمد......
ساره: منو يعني؟؟ جورج بوش؟
رغد : وهي ترفع حواجبها.. لا براد بيت السعودي..
ساره: ايششششششش.. ليش جاي بعد؟؟؟؟؟؟؟
رغد: شغل ياحبيتي.. اهاااا عرفت متواعده وياه.. ياعيني ياعيني مو قادرين تصبرون لبكره..
ساره: تركتها ومشت.. دخلت مكتبها.. الحمدلله الستاير والباب مسكر.. يعني ماراح يشوف اني هنا...
ناصر اللي كان مع ابواحمد.. اووف ياشين الشركه بدونك ياساره...
ابواحمد: كان يبي من ساره اوراق..دق على رغد وسألها داومت ساره.. قالت ايه.. ودق عليها.. هلا ساره جيبي لي ملف ال,,,,,,
ساره: اووف ماطلبهم الا الحين.......طيب
ناصر: داومت؟؟؟؟؟؟؟؟؟؟؟؟؟
دقت الباب ودخلت.. وكالعاده ولا كأنه موجود.......
عطت ابو احمد الأوراق وطلعت.. مادرت بالنار اللي اشتعلت حنبها..
ناصر: يجلطني برودها ولا مبالاتها........ الوعد بكره..
ساره: ياربي .. احس نظراته تحرقني.. الله يعينني عليه..
ناصر: بعد ماخلص شغل مع ابواحمد.. طلع من مكتبه.. وقف عند باب مكتب ساره.. كان مسكر.. مسك المسكه..لالا خليها لبكره.. والله تدري الحين بوقتها..
فتح الباب..
ساره: رفعت راسها.. ليش ماتد.......
ناصر: وقف قدامها.. ليش مداومه؟؟
ساره: كانت قاعده.. ليش حرام الدوام.. ورجعت تكتب على الكمبيوتر..
ناصر: الحراره وصلت عنده مليون.. ضرب الطاوله بأقوى ماعنده..
ساره: اخترعت.. وناظرت فيه..
ناصر: وهو يتكلم بين اسنانه.. لما اكلمك تناظريني فاهمه.. وبرودك هذا ولا مبالاتك بطليها..
ساره: تنفست بهدوء.. وقالت ببرود.. للحين ماصرت زوجتك.. اذا صرت قول اللي تبي..
ناصر: انتي اللي قلتيها .. اللي تبي......وانا اعلمك منو ناصر محمد... ومشى...
ساره: مغرور.. متكبر........
التفت لها وهو ماسك الباب بيطلع وناظرها بنظره تحرق.. وطلع
ساره: سوت نفسها ولا اهتمت.. لكن لما سكر الباب.. حست انها شوي بتبكي..
هذي اولها.. الله يصبرني..خايفه منه من الحين.. شكله عصبي مرره ويمكن يضربني.. حطت راسها بين ايديها... يارب ماتجي الليله... الخوف بيذبحني.. واللي سواه الحين خوفني منه زياده.. شكله العن من راشد وماهر.. خلاص مو قادره.. راحت لأبو احمد واسأذنت ... كلمت السواق وقال لها انا تحت.. ساره: الحمدلله.......

ناصر .. قاعد في سيارته يتنفس بسرعه....... هين ياساره تتعمدي تنرفزيني.. والله لأخليك نتدمين على كل شي.. خلك تصيرين ملكي واوريك.......عقد حواجبه.. معقوله هذي هي.. ليش طالعه الحين.......
ساره تمشي بسرعه.. هذا ليش واقف هنا مامشى.. يارب ماشافني..
ركبت السياره.. ولسه ماسكرت الباب.. رن جوالها.. اكيد هو.. طلعت جوالها.. اي هو..
مابرد عليه وخليه يحترق.......
ناصر: ماتردين.. هين.. الوعد الليله........

رجعت البيت..
ام عبدالرحمن: هلا يمه.. قلت لك من الأول خذي اجازه ماطعتيني.. يلا روحي ريحي..
ساره: طيب يمه.. لا احد يناديني مابي غدا وطلعت فوق..
شالت عبايتها... وجلست على سريرها.. تذكرته وهو يصرخ ... خافت.. حست بغصه.. خايفه منه.. نزلت دموعها........ يارب ش سوي....... ايه فكره..
دقت على نوره..
نوره: هلا حبيتي .. هلا سارونه مرت اخوي الحلوه..
ساره: ههه الله يسلمك... شلونك اخبارك..
نوره : بخير الله يسلمك..
ساره: بغيت اسألك سؤال.
نوره : آمريني..
ساره: مايامر عليك ظالم.. لكن... ابي اعرف .. ناصر عصبي واجد اولا؟؟
نوره: ههههههه.. لا موعصبي ابد.. لكن مايعصب الا اذا احد نرفزه او تكلم معاه ببرود.. ليش تسألين؟؟
ساره: بس سؤال.. طيب اسمحي لي الحين..
نوره: اكيد حبيتي عارفه مشغوله.. اشوفك الليله وبكره.. باي......
ساره: باي..تنهدت بقوه........لازم اسايره.. ش سوي.. هذا نصيبي.. غصب عني... المغرب.. جات الكوافيره البيت ... ساره شعرها مستشور بس.. ومكياج ناعم وبسيط.. لبست فستان.. زيتي.(مو الأخ يحب هاللون). مفتوح شوي من فوق... فيه طبقات من تحت وقصير لنص الركبه ومايل على جنب.. ومن فوق فيه ورده ناعمه عند الصدر.. الفستان مفصل جسمها ... وطالعه رووعه.. ولبست صندل سيور لي الركبه.. لونه بيج.....
سعد يلا ساره عشان الشيخ ياخذ موافقتك..
ساره: حست ان كل جسمها يرتجف.. واطرافها تنمل.. وغصه بحلقها.. ومغص ببطنها.. رجولها ثقيله.. مو قادره تمشي.. تبي تبكي وتصرخ لالالا مابيه... لكن مو قادره... كأن خنجر مزروع بصدرها.....
سعد: ساره حبيتي اش فيك......
ساره:.................هذي ثالث مره... واذا فشلت بموت............. وواضح انها نهايتي..
سعد: جا لعندها ومسك يدها.. ساره حبيتي اش فيك..
ساره: وهي شوي بتبكي...خايفه.......
سعد: حنن صوته.. من شنو؟؟
ساره: يصير شي.........
سعد: فهم عليها.. ساره حبيتي احنا لسه على البر.....
ساره: اي بر........ انا خلاص غرقت.. لكن..
سعد: انتي مو وافقتي بأقتناع بدون راي احد؟
ساره: ودها تصرخ وتقول غصب عني عشان ماتنخرب بيوتكم.. ايه..
سعد: طيب..
ساره: خلاص حست دموعها بتنزل.. رفعت راسها... خلاص اخوي.. يلا ننزل..
سعد وقف : وباس جبينها.. متأكده..
ساره: ايه..
مشوا ونزلوا تحت... راحت لعند باب المجلس..
لما سألها الشيخ موافقه يابنتي.......
حست بغصه وان قلبها يدق بقوه.. أ أ أأ.......
الشيخ: يابنتي موافقه.. اذا موافقه قولي اي نعم........
سعد: كان واقف جنبها... هز كتفها.. ساره يكلمك الشيخ.....
ساره: أ ا أأأ........ اي ........... نعم..........
الشيخ : على بركة الله.........
ساره تبي تمشي..
سعد : لحظه لازم توقعي.........
ساره: خلاص .... حست ان اطرافها انشلت,,, وقع انت.......
سعد: ليش انا العروس..

ساره: ههههه..
سعد: ايه من زمان اضحكي.. يلا اخذي القلم..
ساره: اخذت القلم.. حست انه ثقيل.. لكن مو اثقل من الهم اللي على قلبها..
سعد: وقعي هنا.......
ساره: تطالع في سعد... مو حاسه بأيدينها......حطت القلم على الورقه... لازم اوقع..
اهلي اهم من اي رجال بالدنيا...وقعت....... وقامت بسرعه على غرفتها..
سعد: اش فيها..راح المجلس.. وجلس جنب ناصر.. مبروك يالنسيب......
ناصر: بأبتسامه.. اللله يبارك فيك.....
ساره: بغرفتها.. رمت حالها على السرير.. مو قادره تبكي.. مقهوره.. انا مابيه.. مابي اتزوج.. يارب امووت وارتاح........ حتى دموعي مو قادره تنزل.. لكن الحين مافي فايده صرت زوجته خلاص........... بيذبحني.. بينقم مني......

اندق الباب..
ساره: منو؟
تركي: فتح الباب. . اولا مبروك... ثانيا لا تنسي العشا على حسابك..
ساره: تريك روح ترى مالي مزاج اشوف احد.......
تركي: لكن في واحد يبغى يشوفك.. ورفع حواجبه..
ساره: مالي خلق.. رووح عني..
تركي: انا مالي شغل.. بروح اقول حق ناصر تقولك مالها مزاج تشوفك.. تجي انت تشوفها..
ساره: ناصر؟؟؟؟؟ش يبي؟
تركي: والله مدري... انزلي له لا يكثر حسابك عندي.. هالوقفه بعشرين..
ساره: رووح عني يلا..
تركي: بروح.. لكن ش قول حق زوجك..
ساره: مثل ماتبي..
راح.. شافه سعد نازل لحاله.. وين ساره؟
تركي: مو راضيه تنزل.....
سعد: روح قول لها انزلي لا يجيك عبدالرحمن..
تركي: ركب وهو يتحلطم.. رايح جاي... وببلاش بعد..
فتح الباب: ساروه......
ساره: وجع ليش ماتدق الباب......
تركي: يقولك سعد قومي انزلي لا يخلي عبدالرحمن ينزلك..
ساره: بلعت ريقها.. عبد الرحمن.. تخاف منه اذا عصب.. زين روح انزل وانا بنزل وراك..
تركي: لالالا تنزلين معي..
ساره: قامت.. يلا امشي خلصني..
نزلت وراه.. راحوا للمجلس... شافت عبدالرحمن طالع.. خافت.. ياربي مايعصب عليها مو ناقصه..
عبدالرحمن : سلم عليها الف مبروك يالغاليه......
ساره: الل.........ه يبارك فيك
طلع سعد: وينك زوجك يسأل عنك..
ساره: حست هالكلمه ذبحتها... زوجك.. نزلت راسها..
سعد: ههههههه.. يلا ادخلي بسرعه الرجال يستنى من زمان.. وفتح باب المجلس ودفها على خفيف..
دخلت.. وهي منزله راسه... طالعت على الأرض.. شافت بس ثوبه وجزمته اللي تلمع..
كان جالس بصدر المجلس مقابل الباب..........
ناصر.......حس انها مو بشر... يارب هذي هي ساره اللي كنت بس ابي انتقم منها واكسر راسها........ جمالها وشعرها وجسمها... كل شي فيها..واهم شي خجلها... يخلي قلبي يلين غصب..
راحت جلست على جنب في كنبه لشخصين.. اقرب شي..
ناصر: ابتسم..عنيده...
تاملها.. منزله راسها.. خجوله.. هذي موبنت بعد. ههههههه.. آآآآآآه ياقلبي..
كانت ترتجف وتفرك ايديها ببعض..
ناصر: ساره...
ساره: لالا هذا مواسمي.. ابي اغيره الحين...
ناصر: ساره.. قربي........
ساره: .............. بصوت يرتجف... لا......... مرتاحه هنا...........
ناصر: ههههههههههههههه..
ساره: ماتشوف الا رجوله.. غمضت عيونها بقوه ... يمكن يكون حلم.. فتحت .. طالعت مالقت شي.. اييييييييييه الحمدلله طلع حلم.. ساره.........
ساره ..من وين جاي الصوت... طالعت يمين.. جنبي.. هذا هو جنبي.. حست شوي بيغمى عليها.. جات بتقوم.. مسك يدها وجلسها.. وهي لسه منزله راسها... ياليتني جلست بكنبه مفرده.............
ناصر: وين؟؟
ساره: بروح.......
ناصر: وهو لسه ماسك يدها... مافي روحه الا لما اقرر انا........
ساره: بدينا بالتحكم..........ياربي........
لحظات صمت..ساره تفرك ايديها ببعض.. وناصر حاط يده على خده ومريح على الكنبه يتأملها.. اخيرا صرتي ملكي..........
قرب منها.. ساره حست بانفاسه على رقبتها..
شم شعرها........ وهمس في اذنها: عنادك يعجبني... ويذوبني فيك اكثر......
ساره: بلعت ريقها.. يارب امووت الحين...
ناصر: اش فيك.. اول مره تتكلمين معاي... نسيتي كم مره هاوشتيني.. وضحك.ههه والكف الحلو اللي ايدينك.. مسك يدها.. وباسها... ومسح على شعرها.. شال الشعر اللي على وجهها وبعده ورا اذونها..ولمس رقبتها بأطراف اصابعه.........
ساره :خلاص حست ان روحها بتطلع.. شكله العن من راشد.......
ناصر: وبعدين .. لي متى بتظلي منزله راسك..
ساره: أ أ أ............
ناصر: طيب...... من يوم السبت مافي دوام.....
ساره : كأن ضربها ماس كهربا.. لفت عليه .. ايشششششششششش؟؟؟؟؟؟؟
ناصر: وتقدمين استقالتك؟؟
ساره: لا مستحيل..
ناصر:ههههههههههههههههههههههههههههههههههههههههههههه ههه
ساره: ؟؟؟؟؟؟؟؟؟؟؟؟؟؟؟؟؟؟ ليش يضحك هالمجنون؟؟؟ وهي لسه تطالع فيه..
ناصر: قرب لعندها.. يعني لازم انرفزك عشان ترفعين راسك..
ساره: هاااا........ونزلت راسها..
ناصر: رجع يضحك.... اش فيك... امزح معك..
ساره: بهمس... مزحك ثقيل..
ناصر: قرب اذنه لعندها.. ايش ايش ماسمعت...
ساره: ..........
ناصر: ساره اش قلتي...
ساره: ولا شي..
ناصر: الا قلتي.. شنو؟
ساره: ............
ناصر: ماراح تقولين.. طيب...........
ساره: يمه رجع يهدد...........ايييييييييييييييييييييييييييييييييي يييييييييييييييييييييي
قرصها في كتفها.. بتقولين والا شلون..
ساره:حطت يدها على يده.. اي اي واللله بقول.. اي المتني..
ناصر: ترك يدها.. وهي تفرك مكان القرصه.. هههههههههههه
ساره: وهي تفرك يدها. . انقهرت.. اووف ثقيل دم.. ومغرور بعد..
ناصر: ههههههههههههه تمونين ياقلبي انتي...
ساره: على شنو تضحك..
ناصر: هههههههههههههههههههههههه..
قامت.. وقام معها.. ومسك كتوفها.. وين وين..
ساره: وهي لافه وجهها عنه.. بروح اخليك تضحك لحالك..
ناصر: تتركيني لحالي.. اهون عليك...
ساره: مدري عنك بس تضحك...
ناصر: وش اسوي لك اذا انتي تضحكيني...
ساره: ليه شايفني مستر بين.........
ناصر: وهو ماسك كتوفها.........نزل راسه لطرف كتفها و....... هههههههههههههههههههههههههههههههههههههههههههههههههه ههههههههههه
ساره: اوووف ولفت بتروح... مسكها من خصرها بأيد.. والثانيه يمسح على شعرها...
ناصر: رفع ذقنها وجات عينه في عينها... شاف الخوف.. في عيونها.... وين راحت نظرات التحدي والحقد..
ساره: نظراته مو طبيعيه ابد... كأنه يقول شي... معقول يكون يحب,,,,,,,لالا مستحيل.. نزلت عينها وماتشوف الا ثوبه...
ناصر: وهو يمسح على شعرها.. حبيبتي ليش خايفه... خايفه مني؟
ساره: لأ............
ناصر: اجل ليه الخوف بنظراتك.........
ساره: .....بصوت يرتجف..... خايفه من بكره.........
ناصر: ضمها لصدره...... لا تخافين من شي طول ماانتي معي.. انا قلت لك من قبل ماراح تندمين وانا عند كلمتي.. راح اعوضك عن كل شي..
ساره..................................مو قارده توصف احساسها اللي رجع لها.. تحاول تقتله.. لكن مو قادره.. اول مره احد يحضنها بهالقوه..حست برعشه في جسمها كله..و بعضلات صدره على وجهها لكن.......
ناصر:وهو يهمس.. اششششش.. لاتقولين شي.. ابيك تحسين بهاللحظه وبس.. انسي كل شي.. وخليك معاي...
ساره: حست دموعها بتنزل.. لكن مستحيل اخليه يشوف دموعي...احساس جديد اول مره تحسه............. حست بالأمان في حضن اكثر شخص تكرهه بالدنيا..
ناصر: بعد عنها... وهو يمسح على خدها.. خايفه مني؟
ساره: وهي تتكلم مثل الأطفال.. ايه.
ناصر: جن عليها..ههههههههههه..
ساره: وبعدين معاك..
ناصر: ههههههه.. طيب طيب خلاص ماراح اضحك..قولي ليش خايفه مني؟
ساره: ا ........ا....... لأنك ......... عصبي..
ناصر: جن عليها.. ياناس تتكلم مثل الأطفال.. هذا وجهها الحقيقي...
لا حبيتي لا تخافي.. انا اعصب لما احد يستفز اعصابي.. خاصة البرود والامبالاة من بعض الناس.......
ساره: تقصد منو؟
ناصر: انتي ادري.. وغمز لها..
ساره: ههههههه
ناصر: ياناس ... امووووت عليها..
ساره: نزلت راسها.. مجنون..
ناصر: وانتي السبب.. طيب انا تعبت من الوقفه.. تعالي نجلس..
ساره: تعبت روح بيتكم ارتاح...
ناصر: وانا راحتي جنبك.. جلس على الكنبه وهو يأشر على المكان اللي جنبه.. تعالي..
ساره : مابي.. ناصر مسكها من يدها وجلسها..
ناصر: ماراح تبطلي عناد........
ساره: ..تكتفت .. ورفعت كتوفها..كيفي........
ناصر: شوفي اذا بتظلين كذا يمكن اتهور..
ساره: رفعت عيونها وهي تناظره بخوف.. تكلمت بصوت يرتجف... أ أ أيش؟؟
ناصر: كسرت في خاطره... امزح معك.......
شافها خايفه قال اغير السالفه..........اقول ساره
ساره: نعم..
ناصر: اول مره شفتيني ايش قلتي..
ساره : امم... بدر.. ورفعت وجهها تطالع بصورته.. الله يرحمه.........
ناصر: بيكحلها عماها..الله يرحمه.. شكله كان قريب منك واجد..
ساره: ايه.. وحست بغصه ودموعها بتنزل.........
ناصر: خلاص لا تبكين... امم طيب قولي لي شنو راح تلبسين بكره..
ساره: بكره تشوف...........
ناصر: ههههههههههههه.. طيب.. اشوف بكره واكيد بيكون حلو............
لحظة صمت..............
ساره : التفت اليه .. ناصر.
ناصر: حس بقلبه بيطلع من مكانه..ياحلو اسمي على لسانها قرب منها وحط عينه بعينها.. عيونه....
ساره: نزلت راسها.. نظراته مو طبيعيه ابد.. صحيح ماتبيني اشتغل؟؟
ناصر: ههههههههههه.. لا امزح معك.. شدعوه شايفتني متخلف..
ساره: تنهدت الحمدلله...شكرا........
ناصر: العفو....على فكره في واحد يبي منك اسكريم......
ساره: منو؟؟؟
ناصر: عبدالله ولدي..
ساره: هههههههه.. شلونه؟
ناصر: بخير...
ساره: سلم عليه وبوسه لي..
ناصر: بس اهو..
ساره:........................
ناصر: خلاص مايبي يحرجها اكثر... طيب انا اقوم اروح..
ساره: على طول قامت معاه...الله معك..
ناصر: شكلك تبين الفكه..
ساره: لا شدعوه..ههههههههه
ناصر: ياربي خلاص باي لا اتهور...
ساره: باي..
فتح الباب ورجع..اي صح نسيت..
ساره: اووف ليش رجع... خير..
ناصر: قرب منها.... مسك رقبتها ووجها... وباس جبينها...بشويش.....
ساره: وجهها وكل جسمها شب نار...
ناصر: وهو يطالع وجهها.. همس في اذنها.. اذا اتصلت ومارديتي بجي وباخذك معاي البيت .. مفهوم؟
ساره: بلعت ريقها... رجع يهدد.. مفهوم........
ناصر: يلا تصبحين على خير......
ساره: وانت من اهله... وطلع...
ساره جلست على الكنب.. مو عارفه شنو احساسها بالضبط.. في احساس جديد اول مره تحسه لما حضنها مو عارفه شنو........معقول ... لالا مستحيل..........انسان متقلب .. الصباح بوجه والحين بوجه ثاني.. لالا شكلي بجن...
قامت وراحت غرفتها.... بدلت ملابسها.. وشالت المكياج ورفعت شعرها..لبست بيجامه بلوزتها لونها احمر وفيها قلب في الوسط.. والسروال كحلي وفيه قلوب صغيره لونها احمر..
شافت اثر القرصه على كتفها.. ههههههه.. مجنون........
نامت على سريرها.. اووف بكره وراي يوم طويل.. ناصر......... انت منو والا منو... معقوله توقعت انه بيهددني او....... لكن ماتوقعته كذا ابداً......... اهااا يمكن يسوي كذا عشان اتطمن له وبعدين ياخذ اللي يبي....... رن جوالها.. طالعت الأسم(براد بيت السعودي).......ههههههههههههه.. لازم اغيره..
ردت : الو.......
ناصر: مرحبا .. مساء الخير
ساره:اهلين.. مساء النور...
ناصر: تصدقين توقعت انك ماراح تردين..
ساره: ههههههه ليش؟
ناصر: مدري..
تكلموا ساعه تقريبا...
بعدين... ساره.. رجع الأحساس.. وبعدين.. مستحيل هالقلب ينبض ابداً..
ونامت...
ناصر: يطالع عبدالله اللي كان نايم جنبه.. اووه نسيت بوسة ساره.. عطاه بوسه ونام..
يوم الخميس..

صحت ساره الساعه 8 وهي حاسه بنشاط ومرووووووقه.......
نزلت لقت امها وابوها واماني واخوانها الصغار........
تركي: اقول حاسبيني ومد يده.
ساره: ضربت كف يده..ههههههه الحساب يوم الحساب..
تركي: يعني؟
ساره: رووح اقول...
جلست جنب اماني..
اماني: اخبارك؟
ساره: الحمدلله...
اماني: يعني مرتاحه..
ساره: ان شاءالله.. تعالي نروح الصالون الساعه 9.......
اماني : اوكي.......
سلمان وهو نازل على الدرج.......
سلمان: ساررررررووووووووووه يالخبله ... جوالك انفجر من كثر مايرن..
ساره: ايش؟؟؟ وراحت غرفتها تركض... يارب مو ناصر.. يارب مو هو........
وصلت مسكت الجوال ويدها ترجف.. ياربي هوو ... دق ثلاث مرات...
اتصلت ....... ساره: بصوت يرجف.... الو.....
ناصر: مرووق .. هلا حبيبتي صباح الخير.......
ساره: الحمدلله.. صباح النور...
ناصر: كنتي نايمه..
ساره: لا كنت افطر...
ناصر: اهاا صحتين..
ساره: على قلبك..
ناصر: لالالالا اذوب انا... طيب حبيت اصبح عليك بس .. اشوفك الليله ياقمر..
ساره: ان شاءاللله
سكرت من عنده...... الحمدلله ماعصب,,,,,,
راحت تلبس عشان تروح الصالون... تسوي بديكر ومنكير.. والعصر بترجع عشان المكياج والتسريحه......
ناصر راح لعبدالله اللي كان نايم.. صحاه.. قوم حبيبي .....
نزل معاه الصاله..
ناصر: صباح الخير......
ندى ونوره وام فهد: صباح النور......
ام فهد : تعال يمه افطر....
ندى: لا يمه لا تعزميه خلي يروح يفطر مع خطيبته..........
ناصر: ياريت والله تفتح نفسي مو مثل وجهك..
ندى: ش فيه وجهي....
ناصر: لا سلامتك.. احلى من القرد بشوي..
ندى: يمه شوفيه........
ناصر: هههههههههههههههههههههه
ندى: لو فيني عرق بريطاني طلعت احلى منك..
ناصر: يحصل لك..
مسك جواله........ اممممممم ادق عليها... لالا ماصار لي نص ساعه من كلمتها..
حط يده على خده..
ندى: بديت تحب بديت تغار.. بدى قلبك يعيش بنار..
ناصر:هههههههههههههه
نوره : اخوي حبيبي غني لنا من زمان ماسمعنا صوتك..
ناصر: طيب.........جيبي العود...
جابته نوره.ومسكت جوالها .. يلا بدي.. بدا يعزف ويغني..
بديت تحب بديت تغار.. بدى قلبك يعيش بنار..
بديت مسهر عيونك ..عسى الله يكون في عونك..
اشوفك لاهي وحاير .. وشكلك يكسر الخاطر..
تحب ومنخطف لونك..عسى الله يكون في عونك...
جالك منهو يبكيك ويشغل قلبك ويشقيك..
شغلك وصار مضنونك..عسى الله يكون في عونك..
تفكر منشغل بالك.. ولا يسر العدو حالك..
غلاك محير ظنونك.. عسى الله يكون في عونك...


ندى.. تصفر,,,,,,,, احلى اخوي......حبتين........
ناصر: والله انك ولد..
نوره: ترى في ناس سمعوا صوتك لايف.....
ناصر: منو؟؟؟؟؟؟؟؟
نوره: خذ جوالي كلمهم..
ناصر اخذ جوال نوره: الو.......
ساره: اهلين..
ناصر: ش رايك.. اكسر على راشد.......
ساره: ههههههههههه.. اممم يبي لك شوي..
ناصر: هههه تحطيــــــــــــم..
نوره : اقول.. انا مااصرف عليك انت وخطيبتك كلمها من جوالك...
ناصر: قلبي اكلمك بعدين.. باي.. خذي جوالك يالبخيله.. اللي يسمعها هي اللي بتدفع الفاتوره..
نوره: المهم......





يتبع...