.+. ياعيال دوكم لحيتي كلها شيب .+.

عقوق الوالدين من الامور الكبيرة التي حرمها ديننا الاسلامي ..

وكذلك من الدعوات المستجابة دعوة الوالد على ولده ..

فقد اخترنا لكم هذه القصيدة للشاعر جحيش السرحاني

والتي قالها بعد عقوق اولاده له ..

كما نسأل الله سبحانه وتعالي لنا ولكم ولجميع المسلمين الذرية الصالحة ..

قصة جحيش وهذا جحيش من قطعه سلالته

جحيش له ثلاثة اولاد وكان مدلعهم لبس ماهوب دلع هذا الوقت

دلع الأول يعنى مكان يشغلهم ولا يسرحهم مع الرعيان

علشان ياخذ من وراهم المال بل كانو يجلسون بالبيت

ويإمرون وينهون على كيفهم وهم مبسوطين

وكبرو العيال وهذا جحيش كان يبي اعياله يردو الجميل اللي معلقه برقابهم

وتزوجو العيال وكبر جحيشواوسوى نفسه عمي

وراح لأول حرمه من حريم عياله ماتبية

فقالت لولده ويش تبي بها العود العمى ودوه لخوك خلنا نفتك منه

وداه لخوه الوسطي ونفس السالفه الحرمه ماتبية وداه لخوهم الصغير

المهم كل حريم عياله ما يبونه ودوه للبر يوم انه نام جحيش

سرو وخذو قشهم ومشوى وتركوه

عاد يوم وعى جحيش دورهم حوله مالقاهم

وشاف بالأرض مدافيق ماهم وقال هذه القصيدة :

يقول جحيش للي يقرا بليا مكاتيـب
يا اللي تقرون العمى مـن عناكـم

يا عيال ياللي تشرفون المراقييـب
تريضو لي وأصرو مـن خطاكـم

خوذو كلام صدق ما بـه تكاذيـب
مثل السند مضموون للـي وراكـم

يا عيال لـصرتو ضيوف ومعازيب
ترو الكلام الزيـن ملحـة قراكـم

المذهب الطيب فهو مذهب الطيـب
والمذهـب البايـر يبـور نساكـم

ياعيـال مـا سرحتكـم باللواهيـب
وياعيال ما عمـر المعـزب ولاكـم

وياعيال ما ضربتكـم بالمشاعييـب
ولا سمعو الجيـران لجـة بكاكـم

من حبكم أرطب القلـب ترطيـب
يفـز قلبـي يـوم يبكـي حداكـم

ياما تسلوعت القبايـل تقـل ذيـب
من خوف لا يقصر عليكم عشاكـم

وياما قطعت من الفياض العباعيـب
أدور مـن صيـد البرايـا غداكـم

وياعيال دوكم لحيتـي كلهـا شيـب
هذا زمـان قعودنـا فـي ذراكـم

قمت أتوكى فوق عوج المصاليـب
وقصرة خطانا يوم طالـة خطاكـم

ردو لي القرضه عليكـم مطاليـب
ردو لي القرضة جزا مـن جزاكـم

ولابد من يوم عوياً دونـي الذيـب
بالقبر مفرق طيبكـم مـن جزاكـم

ماني بفاضحكم بوسـط الأجانيـب
بفعولكـم يـدرون كـل قربـاكـم

لو كان تدرون الحيـا والمعاييـب
صرتو مع المخلوق مثـل أخوياكـم

خوالكم بالطيب تـروى الأغاليـب
لو تتبعـون الجـد محـداً شناكـم

وش علمكم يا ساهجيين المواجييب
حسبي عليكم هالردا منيـن جاكـم

مار ياعلكم في حاميات اللواهييـب
ياللي علـى الوالـد خبيثـاً لغاكـم

شفت الجفى والحيف والظلم والريب
بطلوعكـم لا يسـر الله قـراكـم

ياعيال بعتونـي بصفـر العراقيـب
ماهـي حقيقـة سـود الله قراكـم

نصحتكم وأسندت وادي سلاحيـب
وشاهـدة بالبيـدا مدافيـق ماكـم

مار عسى نساكم لا تحمل ولا تجيب
ولا أحداً من البزران يمشي وراكـم

أهبو هبيتو يـا قصـار اللغابيـب
أخسو خسيتـو يقطـع الله نماكـم

وبالنهــايه .. استمع المولى لـدعاء الشيبه

ولاحــملــوا حريمهم .. وبالتالي انقطع نسلهمـ،،

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

اح ـساس طفلهـ


صح لسااانكـ ولسان شاع ــرها


ويع ــطيك العافيه يالغلا على نقل القصيدهـ


الاكثر من رائـــ ع ــــة ...*




دمتي لمن تحبين

[align=center]

هلا وغلا بـ تفوق الوصـــف

تسلمين ع ـيوني على مرورك

وتواجدك الطيب

لاعدمتك

[/align]