كسر السرعة .. والعوامل المساعدة لكسر سرعة الجهاز ..

السلام عليكم ورحمة الله وبركاته ..

كيف حالكم جميعا ؟ إن شاء الله بخير وصحة ..

بما إن ولا واحد فتح موضوع كسر السرعة وأستغرب صراحه .. حبيت أطرحه واشرحلكم نبذه عنه في هذا الموضوع .. والموضوع الثاني ان شاء الله أشرح كيف نكسر السرعه بالصور ..

كسر السرعة ..

للمذربور أو البروسيسر أو كرت الشاشة أو الرام .. الخ


كسر السرعة بإختصار هو وصول النظام لأعلى سرعة له .. ولأجود أداء له .. وإلي مافهم .. أقدر أقوله يعني تزويد السرعة

وهي عملية غير ضارة للجهاز .. وجميع المهندسين تقريبا كاسرين سرعة أجهزتهم .. وهو موضوع واسع .. وله مستويات ..

مثل السيارة .. سرعتها 200 مثلا المكتوبه في الطبلون .. بس ما تقدر توصل لها .. لأن لها فاصل يوقف عند سرعة محدده .. لكن في ناس يفكون الفاصل هذا في الورشة عشان يوصلون لأعلى سرعة للسيارة .. ويمددون السرعة

ومنها سيارات أمن الطرق والشرطة .. كل الفواصل مفكوكه عشان تلحق

زي كذا فهمتو ؟

أقرب مثال .. جهازي .. سرعته النهائية " بدون الكسر "

GHz 2

بعد ما كسرت سرعته سار 3.73 GHz

وطبعا فرق كبير في السرعة .. وما واجهة أي مشكلة الحمدلله ..



هناك عوامل مساعدة لكسر السرعة ..

1- إختيار لوحة أم " مذربورد " جيدة ..موضوع طويل شوي .. ما راح نتكلم عنه في موضوعنا هذا ..

2- مزود الطاقة إختيار أفضل وأجود مزودات الطاقة لجهازك .. من حيث عدد المراوح وعلو نسبة الواتات ..

3- التبريد ..للتبريد عامل اساسي في زيادة السرعة .. وهناك انواع للتبريد كثيرة
منها التبريد الهوائي
مثال على المشتتات الهوائية :






وهاذي صورة واحد أستغل المكيف لتبريد جهازه ^^






الحمدلله انا استخدم 3 مراوح لجهازي .. غير جو الغرفة المكيف .. وغير الواتر بلوك الي على البروسيسر ..


والنوع الثاني هو التبريد المائي ..

مثال :





شفتوا الان ؟

وأنا جالس بحصة الكيميا مرة .. قال المدرس ان النيتروجين أبرد مادة على وجه الأرض .. بحيث لو لمستها يتجمد اصباعك وينكسر ..
وجات على بالي تبريد الأجهزة بالنيتروجين ..

اشتريت نيتروجين من مركز الشلة بجده .. بعد اخذ تصريح من المدرس .. وجربت نفس طريقة التبريد المائي بس بدل الماء نيتروجين وبغيت اروح فيها انا وجهازي لان الانبوبه ما استحمت البروده .. عشان كذا اشتريت انبوبه قوية وسميكه من محل سباكة .. والحمدلله .. الجهاز سار بأخفض درجة حرارة شفتها في حياتي .. وهي مجرد تجربة ما راح ادومها على جهازي لأني حتى الان ما اعرف سوالبها .. بدرسها دراسه دقيقة ان شاء الله .. أصورها لكم فما بعد وانزلها ..

التبريد اشوفه جدا مهم .. مو في كسر السرعة بس ..
لا .. في سلامة جهازك وسلامتك أيضا .. بالنسبة لجهازك مع ازدياد حرارته راح يطفي تلقائيا لأنه ما يستحمل .. والضرر الثاني .. اتلاف مكونات عتاد الجهاز الأخرى وإحتراقها .. مثل الهارديسك والمذربورد والبطارية .. الخ

وفي احداث حصلت كثيرة بسبب علو درجة حرارة الجهاز .. منها من انفجر لاب توبه .. ومنها من انحرقت غرفته .. وهذا واحد من هاذي الضحايا .. :











وسبب احتراق هذا الاب توب هو ان المروحة الأساسية الوحيده تعطلت وسار بدون مروحة شغاله + الأخ حاط الاب توب على سطح غير مستوي .. مما أدا لسد منافذ التهوية ..




4- العامل الأخير لكسر السرعه وهو الذاكرة ..شراء ذاكرة جيده .. على حسب سرعة الناقل الأمامي لها + قلة عدد الترددات ..


إن شاء الله بالموضوع الثاني أشرح كيف نكسر السرعة من الألف إلى الياء .. ونرجوا عند النقل .. ذكر المصدر وإسم الكاتب

فمان الله

يعطيك العافيه { زياد } على هالموضوع

موضوع جميل و مفيد للي اجهزتهم بطييييئئه ^_^

لان في اجهزه بطيئه يعني بدرجه راسك شوي و يبي ينفجر من بطئها

و فكرتك التبريد بالنيتروجين حلوه بس اتوقع لو تستمر عليها الجاهز يبي يجمد و ما عاد يشتغل *_*

و بالنسبه ببلابتوبات اخطر شي انك ته على فراش او على السرير مثل الاخ الي فوق

لان الابتوب فيه مروحه وحيده و صغيره يا دوب تبرد عليه

وهو مصنوع للاعمال الخفيفه ما تليه شغال 24 ساعه و على السرير بعد

و في انتضار شرحك أخوي زياد

تـ ح ـياتي

يعطيك العآفيه زيزو .....

يسسلمو ..

تسلم يمينك وماعندي اي تعليق او نقاش اخوي زياد ..

وموضوعك يستحق التقييم ..