سبحان الله وبحمده , سبحان الله العظيم
  |
  |
  |
  |
 |
| |||||||
| قصص - روايات - روايات طويلة قصص , قصص طويلة , قصص رومانسية , روايات - روايات طويلة - تحميل روايات ، روايات طويلة رومنسية ، روايات تكست روايات نصية ، تحميل رواية txt تحميل رواية word روايات حب رومنسية |
 |
| | LinkBack | أدوات الموضوع | ابحث في الموضوع | انواع عرض الموضوع |
 منذ /04-18-2008, 06:25 PM
| #1 | |||
| العضويـة الملكيــة  
|  قصة بنت مستعجله على الزواج
قصه فتاه متحمسه لزواج نترككم مع قصة الفتاة............! كنت قاعدة اتفرج عالتلفزيون... متابعة مسلسل... وجا مشهد زواج وحدة من الشخص اللي تحبه من زمااااان... قلبت القناة على قناة Fuziah (لحد يسألني وشي قناة فوزية اسألو الوليتا بس لووول)... لقيت عرض ازياء فساتين عرايس... قلبت لقيت خطوات وضع مكياج العروس... سكرت التلفزيون وجريت الونة التفت على ابوي اللي نسيت تماما انه كان جنبي. .. قال لي ابوي: خير ان شاء الله يابنتي؟! وش فيك؟! عسى ماشر؟! انا تلخبطت ساعتها وفتحت له التلفزيون وقعدت ساكتة... ايه اكيد بسكت وش اقول؟ اقول له ودي اعرس؟؟؟ (يعني اتزوج بالعربي)... اقول له ان صاحباتي اغلبهم تزوجو؟؟؟ ولا اقول له اني تمنيت اكون مكان بنت خالي في كوشتها وفي الزفة امس؟ يقطع الدراسة وسنينها ياشيخ... اوف والله غثا يا بخت جداتنا ماتطق الوحدة العشر سنين الا هي مخطوبة وعلى الثنعش اعرست وان وصلت البنت ثمنطعش ما اعرست قالو عانس!!! هذوليك البنات اللي عايشين صح مب حنا اللي نعجز ونوصل سن اليأس مااعرسنا... أخ يبه الله يفتح عليك وتخليني اعرس... وتفكني من الدراسة... وبينما انا غارقة في قاع هذي الهواجيس ويرن التلفون ويقطع حبل افكاري... طالع الرقم ابوي وقال رقم غريب... رد بلهجة رسمية: -وعليكم السلام..... الله يسلمك..... الحمدلله بخير..... ايه انا ابوفلانة (منيب قايلة احلى نوف عشان محد يعرفني ويضحك علي).... لا منت غلطان انا هو... ماعليك زود الله يسلمك... من معاي ياخوي ماعرفتك... والنعم.... تفضل وش السالفة اللي تبيني فيها؟.... لا ماني مشغول... لهالدرجة الموضوع مهم؟!... تفضل تكلم شغلتني... والتفت ابوي علي وعطاني نظرة غريبة انا ساعتها قرصني قلبي مو من ردود ابوي بس من نظراته الغريبة رد ابوي على المتصل: وش فيها زود طيب؟ ... لا بس مافيها أي ميزات عن الباقي... رد ابوي على المتصل: طيب وبعدين... ايوة....طيب وش اسمك الكامل؟.... وش تشتغل بالضبط؟..... طيب من دلك علي وعطاك رقمنا؟..... لا الموضوع يا ابني مو بهالبساطة.... العملية مش بيع وشرى وبس... الواحد لازم يسأل كثير ويحرص قبل يقدم على أي خطوة... لا موضوع انك تجي لبيتنا خليها بعدين... لين اسأل عن كل صغيرة وكبيرة... لا لما اكتفي من السؤال واخذ المعلومات اللي تكفي بتصل عليك تجي ونتفاهم ويكون خير ان شاء الله انا كنت اتابع حركات ابوي وانا متشققة من الفرحة... اخيرا انخطبت وبتزوج مثلي مثلي غيري... يوووووه أخيرا بلبس فستان ابيض منفووووووش اخيرا بطلع اجهز واتقضى للزواج... بسوي زواج كبير مررررررة وبحط زفة ريميكس وطرحتي مابيها خليجية وع بخليها مبتكرة... منيرة منيب عازمتها هي وخواتها ماعزموني الاسبوع اللي فات على الدي جي اللي سووه... وحصة صديقة امي منيب عازمتها بعد مالي خلقها تحوسني لو حطيت اورج... وبشتري اغراض واشيل واحط واخطط... بيصدع راسي بس ولو لذيذ هالصداع... يوم قفل الخط ابوي التفت علي وهو مبتسم ابتسامة تعجب وهو ساكت... قلت: - هاه يبه؟ متى بيجي يشوفني؟ - منهو - هذا اللي خطبني تو - وشو؟! - خطيبي اللي تو - تموووووونين انتي ووجهك صار خطيبك على طول ماعندك وقت - ايه يبه ترى احذرك هالمرة شف تكرش العريس مثل ماكرشت ولد ام مساعد العام للحين تراها حازة في نفسي ترا هالمرة بضرب عن الدراسة... ولا الاكل مقدر اضرب عنه... والرسول حث على تزويج من ترضون دينه وخلقه... وهذا قايل قلبي انه اجودي ترا مااعرفه بس اتوقع انه كذا... وترا العرس اهم من الدراسة عشان الجنس البشري ماينقرض.... وبعدين من قال لك اني منيب مكملة دراستي والله بكمل حسيت ان عيون ابوي بتطلع من شدة علامات التعجب اللي في وجهه بعدين انفجر من الضحك - هي انتي وين رحتي حدك حدك لا تشطحين!!! - وش اشطح؟! هذي الحقيقة والحقيقة ماتزعل وانت الله يطول لنا بعمرك علمتنا على الصراحة وحب الحقيقة - أي عريس واي هم؟؟!!... انتي مصخنة؟؟ ... هذا مندوب شركة يبي يجي يوريني المكنسة الكهربائية العجيبة على قولته اللي تغسل وتنفخ وتطبخ خخخخخخخ.... قومي نامي يابنيتي ولا تكثرين قعدة قدام التلفزيون... الحين بس عرفت ليه سكرتيه تو... الله يقطع ام العجلة اللي تعرفونها... | |||
 |
| منذ /04-18-2008, 06:27 PM
| #2 | |||
| آعشقك بسكات 
| رد: قصة بنت مستعجله على الزواج
يعافيك ربي .. | |||
| |
| منذ /04-20-2008, 06:31 PM
| #3 | ||||
| [ هُتوف فعــال ] 
| رد: قصة بنت مستعجله على الزواج ههههههههههههه ياني فطست يسلمو على الموضوع | ||||
| |
| منذ /04-20-2008, 08:02 PM
| #4 | |||
| [ هُتوف نشيط ] 
| رد: قصة بنت مستعجله على الزواج يسلموا اخوي | |||
| |
| منذ /04-25-2008, 11:07 AM
| #5 | |||
|
| رد: قصة بنت مستعجله على الزواج | |||
| |
|
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
| أدوات الموضوع | ابحث في الموضوع |
| انواع عرض الموضوع | |
العرض العادي
|
|
منتديات | توبيكات | صور ماسنجر | اختصارات ماسنجر | رموز ماسنجر | صور للتصميم | خلفيات | برامج | رسائل | فساتين | صور | ديكور | قصص | زفات | اناشيد | خواطر
برنامج الوافي | محول الصوتيات | فرونت بيج | رسائل حب | صور رومانسية | برنامج الفوتوشوب | فساتين للمراهقات | صور ورود | صور قلوب | صور شباب
ماسنجر بلس | برنامج ريل بلير | توبيكات ملونه | ماسنجر 9 | مسجات شوق | صور تامر حسني | صور حب | فساتين سهره | توبيكات انجليزيه | صور بنات
جميع الأوقات بتوقيت GMT +4. الساعة الآن 11:51 PM.
