بحث مخصص
|
بحث مخصص
| |
الله أڪبرُ الله أڪبر .. لا إلـﮧ إلا الله
الله أڪبر .. الله أڪبر
ولله الحمد
 |  | ||
 |  |  |  |
| |||||||
| الأنمي و الرسوم المتحركه , صور انمي , صور انمي روعه , رسوم متحركه , صور عدنان ولينا , صور عبسي , صور الكابتن ماجد , صور سالي , صور ليدي , افلام كرتون , تحميل افلام كرتون , المحقق كونان , افلام , تحميل افلام , افلام كرتون , تحميل كرتون , تحميل توم وجيري , |
 |
| | LinkBack | أدوات الموضوع | إبحث في الموضوع | انواع عرض الموضوع |
05-01-2008,
02:34 AM
| رقم المشاركة : 1 |
|
الا ليت الزمان يرجع طفولتنا ....وش كنت تتابع ؟؟!! وانا احوس بالنت شفت لكم شي قلب مواجعي .. وذكرني بالجرح القديم -> كملي لا خمتس خخخخخ هو شسمه  المهم هي كرتونات مو جمع كرتون الي حق ببسي وشسمه لا -> برا بس الكرتون الي يجي الاول بالسعوديه الاولى من زي كذا يعني مالكم بالطويله ببتدي معكم بالملسسلات الكرتونيه والي والله اعلم وش قطعت منها القناه الاولى ووش خلت : ايام زمان المسلسلات الكرتونيه مهوب مثل الحين الله يخلف 24 ساعه  لا العصر والا الظهر وبالقحط بعد .. وكنا يا زيننا .. ننتجهز وكل واحد معه ريالين يشتري من عند بسطة القريبه منهم فشفاش وسنتوب وحوسه بعدها نسنتر عند التلفزيون تحته ننسدح بمسند ونتحمس مع المسلسلات الي فيها بطوله وحماس ..الاول كانت امنيتي ان الكرتونات يجيبونها باوقات الليل .. مدري ليه حاكرينها اوقات الظهر سؤال للحين يحوس بدمجتي .. : 1- المسلسلات الكرتونيه الاجنبيه الله وكيلكم نتابعها ولا ندري وش يقولون المهم نضحك وننبسط من قلب   نقار الخشب غني عن التعريف هالزاحف .. وكنا نسمية بضحكته " هههاهااهاااا "  المهابيل السبعه أسم على مسمى>>>> لوووووووووووول قسم دلوخ وتجمعو .. مرات ودي اكسر الشاشه يرفعون الضغط >>اتابعهم اذا مليت هههههههه  باغز باني هيييي وتس آب دااك .. باقز باني .. اشهر من نار على علم .. اعشقه داج وزاحف ومصرقع الف ..خاصه اذا كان مع هذاك الصياد ابو خشم اعوذ بالله  بباي اطلق كرتوون كنا ننتظر نهاية الحلقه علشان ياكل السبانخ وينتفخ كل شي فيه ويكفخ بلوتو ربي شاقيه بخويته زيتونه عاد حدث ولا حرج عيالنا الاول مسوين ياكلون سبانخ ويتعصرون بهالعضلات : 2- المسلسلات المدبلجه نجي لأحلى الذكريات ..  مُـسـلـسل مُـغـامـرات الـفـضـاء " غريندايزر اتوقع انه اول مسلسل مدبلج بعد السندباد .. مالحقت عليه ولا تابعته لكن صدااه الى الآن موجود .. اذكر ابوي لما يجي يحكي لنا عنه كان يقول لما يجي وقته ما تشوفين لا صغير ولا كبير بالشارع ض2 .. الكل كان يتابعه وبالمجالس تلقاهم يحكون عن الاحداث الي صارت بالحلقات .. هذا المسلسل الياباني .. كان رائع سواء من حيث الرسوم / الإخراج / الأفكار / الموسيقى كلها إبداع .. القائمين على إنتاج هذا العمل اشتغلوا عليه 9 سنوات .. والظاهر صبرهم كان في محله ..  مُـسـلـسل الـرجـل الـحـديـدي كارتون آكشن فريد من نوعه .. لأنه يجمع ما بين الرسوم الكارتونية ، والقتال الواقعي .. نجما المُسلسل هما لميس ، و كمال " في الإتحاد قوة " <<< لكن الهلال أقوى .. عندما يتحد كمال مع لميس يتحولان إلى الرجل الحديدي " عاد ينقلب المسلسل من كارتون إلى طقاق حقيقي " الرجل الحديدي ضد أحد الدينصورات والله كان ذكريات هالمسلسل من قلب  الكابتن ماجد عاد هذا ما يحتاج ما قصر فينا ماجد .. كان يتلف اعصابنا وننتظر لمن يجيب القوول .. وهاتك عاد الحلقه كلها وهو يركض من اول المرمى للمرمى الثاني .. والحلقه الي بعدها كلها وهو رافع رجله علشان يسدد وحنا ننتعصر يلا اها سدد كان جنون هالمسلسل .. وكنت خاقه مع بسام ض6 .. الولد عصلات واسمراني وملامح بدويه -> خير ام الشباب من أشهر شخصيات المُسلسل .. مـاجـد / ياسين / بسام / عُمر " الدلخ " / البنت لانا " اللي خاقه مع ماجد " / الأخوان شـوقـي  كعبول كعبول كعبول الكلب الأكول يتبع عبقرينو المخترع المشغول والله كان وناسه المسلسل بس ماكان له شهره كبيره .. بسمة وعبدو ماكنت احبه ولا تابعته .. ولا ادري وش قصته  الهداف هذا كان قبل الكابتن ماجد .. لكن ما يوصل لروعة الكابتن ماجد اكيد ..  مُـسـلـسل الـبـطـل " فارس الفتى الشُجاع هالمسلسل هبال ، وعمل ضجة على وقته .. وهو يتكلم عن الولد " فارس " وأبوه اللي يحبون رياضة الملاكمة .. المسلسل مُحزن كثير خصوصاً أغنية المُقدمة .. بالجد والعمل يحقق الأمل وفارس الصغير الفتى الشجاع يصبح البطل .. يعاب على العمل كمية العنف الموجودة فيه  مُـسـلـسل مُــغــامــرات بــســيــط الثور بسيط .. بسيط بسيط واسمه بسيط ولكنه مخلص ونشيط .. هذا كان فله كوميدي خفيف ظل .. جنان من جد  ليدي جناااااااااان مرة تابعته متابعة قويه  سانشيرو البطل صدز بطل .. تابعت منه حلقات قليله .. لكن كانت قصته مرره حلوه .. وهي عن مصارعة في حلبة لكن باستخدام " دُمى إلكترونية " كل مصارع عنده دمية لها حركاتها ، وأسلوبها ، ويتم التحكم فيها عن طريق جهاز كومبيوتر  افتح ياسمسم عاد هذا ما يبيله كلام وربي ذكريات هذي بعض الي حصلتهم .. فيه كرتونات ببالي .. بس تعبت هدية الموضوع : :  جازوووراااا جا جا جا جا جازوورااا وربي انه اطلق كرتووون >>>>>>لوووووووول شكله حصل على جائزة الاوكسترايلا اشوف ذكرياتكم الحلوه وش كنتم تتابعووووووووووون في طفولتكم آخر تعديل @شموخ@ يوم 05-01-2008 في 02:37 AM. |
 |
|
05-01-2008,
03:31 AM
| رقم المشاركة : 2 |
|
رد: الا ليت الزمان يرجع طفولتنا ....وش كنت تتابع ؟؟!!
|
| |
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | إبحث في الموضوع |
| انواع عرض الموضوع | |
|
|
![[ Thanks Pink & Candy 3hood ]](images/Pink-Candy/Pi-Ca-22.gif)
العرض العادي
