بلشتي مع المبزره ههههههه

اهلن وسهلن .. بالشيوون والشيناات ::<< محد شينــ غييرتس..
اهلن وسهلن .. بالـــزيوون والزينـــاات ::<<محد زينـــــ غييرتس.. هع هع
البارح قمت من النوم على صوت اميمتي وهي تصارخ مصقوووعه قومي شوفي عمتس وعياالها جايين بيتغدون عندنا ..
قلت طيب وش اسوي لهم ---> لاتستنكرون هذا لاني وانا نايمه اتنح ..
قالت امي لا ابد بس تعالي صوري جنبهم ..
قومي لاادخل عليتس المبزره يقومنتس
قلت طيب خلاص بقوم طفي اللمبه وصكي الباب وبقوم لاني ماقدر امشي في النور وانا نصي نوم ----> عاش مصرف المهم قالت طيب شوي وراجعه لتس وان ماقمتي ياويلتس قلت خلاص طيب امي طلعت والا ماطلعت واسحبها نومه ..

ماكملت نص ساعه الا وعيال عمي داخلين علي اللي يمعط خشمي ويسحب الكنبل واللي راقي على الكرسي يايطفي يايولع في اللمبه واللي مسويه لي فيها رومانصيه فاتحه الشباك وتطالع السماء ..

انا قمت شفت هالدنيا ودي اقوم وارفسهم بس تعيجزت قلت لـ اكبر واحد فيهم معليش تطلع برى انت واخوانك دام النفس راضيه عليكم لااقوم امردغكم ----> حتسي بس قال لا مناب طالعين الا لين تقومين ويدلع لسانه علي
ياااااليلـ المبزره قلت طيب ان طلعتوا بسوي لكم حفله نجاح قلته والا ماقلته طلعوا كلهم ماشفت الا غبرتهم .. ..

ياربيييييييه وش هالبلشه ليتني قايلتن لهم بشتري لكم لعبه شيء ولا حفله بس كود ينسون مع اني ماضنيته .. المهم قمت وطلعت اسلم على عمي سليماان اللي تسانت امي بتسمي اخوي عمييير عليه بس قالت مايصلح كوولهم شيوون بنتغاالط فيهم ههههههههههههههههههههه

جت بنت عمي النتفه قالت ابووي ابووي ترى صاحبه السمو بتسوي لنا حفله قلت من قاله ----> جحدت ..
قالت انتي قلتيه لنا قلت ايه طيب يجيب الله مطر .. ونشبت فيني هالبزر وجو اخوانها الا بتسوين لنا قلت طيب خلاااااااص وجعات بسوي لكم الشكو على الله ..حكم القوي على الضعيف ..
وفشيله عند سليماان اكسر بخويطر عياله .. المهم قالت بنت عمي البصوه بابا ابي اعزم اصدقائي قال احنا مو في البيت اذا رحنا البيت اعزميهم على راحتس ماجاء في باله انه اصدقائها على قولتها اولاد ..
قالت تكفى يابابا
قال طيب من اصدقائتس اللي بتعزمينهم
قالت فهد وفيصل معي بالروضه
قلت وشووووو مير اختزيتي بزران اخر زمن بتعزم اخوياها ههههههههههههههههههههه
قام عمي سفهني لاعبرني مير وقال لبنته كم رقمهم وعطته الرقم حاطته بشنطتها مانسته التسلبه قال يابنيتي عجزت وانا ادق عليهم مايردون عرفت ان عمو يصرفها ..
قالت طيب خلاص وتسن صديرها ضاق بس خلاص استسلمت للامر الواقع ..
المهم رحت لااقرب ابو ريالين وشريت لهم تفافيخ وخرابيط الحفله وارسلت مهمد يجيب لنا طورطه جعلي ماطره جاب طورطه كبر يدي ماااش ماااش ماتهنيت فيها ---> هي لتس والا لهالمبزره يالشينهــ..


بدت الحفله على صوت شاطر شاطر جت بنت عمي السوسه قالت لا لا ما نبي شاطر شاطر قلت وش تبين طال عمرتس ----> تسلك لها..
قالت ابي داشر داشر
بعد هالنتفه مختزيه وهي صغيره الله يخلف ماعاد فيه مبزره ..
قلت ماعندي داشر داشر .. بس تراني معطيتكم وجه .. قامت تصيح .. ابي داسر داسر
ياليل الليل وش ربي بلاني قلت طيب خلاص ويوم شغلتها تشققت علينا وقامت ترقص ههههههههههههههههههههههههههههه وه بص ياحبي لها ..
طفيت اللمبات وشغلت لهم الشموع مسويه رومانصيه مادريت الا ومحيميد يصيح وش فيك قال حرقت يدي الشمعه واااااع "سوى مناااحه" انا ربطت راسي وقعدت على الدرج قلت لين خلصت صياح دق لي اشاره بس واجيك طايره هههههههههههههههههههههههههه..
حاولت اسكته عيى قلت طيب وش تبي عشان تسد فمك وتسكت تبي تبن قام يصيح زياده


ههههههههههههههههههههههههههههه وجع وش تبي قام يصيح ويرفس قلت بجي معه باسلوب زين وانا من داخلي احتمس قلت حموودي حبيبي وش تبي اعطيك قال ابي بابا وين اجيب لك بابا منه اطلعه من جيبي يعني -----> توتس وش حليلتس ممداتس تقلبين ..
وقام يصاراخ قلت ترى ان ماسكت مافيه طورطه .. وانطم مير اشوى عرف ان الله حق وشو عقبه عاد يوم صكني رويسي من صراخه ..

وعااد الطوورطه شي ثاانيـــ::
حاطتن لهم شموع وحركتات تسنهم كفو مير ----> صايلتن عليهم ..
مير جعلي منيب طورطتن عندكم كلها انوكلت بالعافيه بس انا ماكلت منها ولا قطبه ----> عزى الله راحت بطون عيال سليماان في خرايطها منتس ..

ومير اشوف المكسيما وشغاله سليماان واقفين يناظرون قلت بعطيهم لايقزونا بعين .. ---> المكسيما شغالتنا مسمينها تسذا سبب التسميه سالفتن طويله مرتن اخرى بقولها لكم ..

((الهرجه خلصت))
مايستفاد منها ..
واحدن .. لاتعطي البزران وجه عشان مايلزقون فوق راسك مثل ماصار معي ..
ثانين .. ماعاد فيه بزران هالحين ---> باللهي .. انتبهوا لهم من الانحراف الطفولي المبكر ..
ثالثا .. لاتصير جفس على البزران خلك حليمن عليهم .. ----> علمي نفستس ..
رابعن .. احبكم ياعيال سليماان..
خامسن .. ان ماشفت ردود ترى بهون عن الكتابه تكسرت اصاابعي من الكتاابه بهالكيبورد المخيس.. ---> تكفين تلايطي مناك بس ..

هههههههههههههههههههههههههههههههه هذا اللي يعطي المبزقه وجه يصير له اللي صار لك هع هع هع
مااقول الا الله يصبرك على اللي انتي فيه
وتصلمي على القصه التريفه

والله هذي عاقبة من يعطي البزران وجه


هههههههههههههههههههههههههههه



والله انك حزنتيني يا صاحبة السمو


يعطيك العافية على القصة المشوقة


تقبلي مروري


تحياتي//


ReD FOX

ههههههههههههههههههههههههههههههههههههههه

الله يعينتس

يسلمو صاحبة السمو