أرفق على من هو اغلاك

غــ الفهد ــرور

ياللي تشوف الحزن في وجه مغليك
وش فيك ماترفق على منهو اغلاك..!


لازم تشوفه يسهر الليل يبكيك
ولا فلاحبك ولاهوب يهواك.!!


لاشفت خلك ظايق وودهـ يجيك
قله هلا واهلين والفين حياك


قله حبيبي سم كلي لعينيك
امر حبيبي كل ماتطلب فداك


هذا جزاه اللي ينسيك ماضيك
وهذا جزاه اللي الا ضقت واساك


لاقلت له يافلان ثم قال لبيك
قله مثل ماقال لبيك..(لباك)


اطلق سراح الصدق من دون تشكيك
ماذاق طعم الحب انسان شكاك


وياللي نسيت الحب وش فيك وش فيك؟
الى متى باقول وش جاك وش جاك


سنين وانا ادراك واغليك واعطيك
وسنين ماكنه ولا يوم اعطاك


من كثر ماحبك ومن كثر ما ابيك
حتى..أحبك..واعشقك..واتمناك


مستهلكه صارت والا جيت احاكيك
يطلع كلام ٍ غير كله (لعيناك)


إن قلتلك شاريك والللللله شاريك
وان قلتلك ابغاك تدري بي ابغاك


ولاقلتلك اغليك واغليك واغليك
وش فيك ماترفق على منهو اغلاك !
منقول

جمايل

ياعشقى لك

حنين

آحْ.ـٍتٍآجٍكٌٍ