علي أهون إذا ماتو ولا بنفس السرير رقود!.

هذي قصيده اعجبتني واثرت فيني قصتها واتمنى تعجبكم.






ثلاث سنين وانا اخطط لهذا اليوم يابوسعود

تيسر حالي وجاهز اوفي وعدي ابوقته

وفجأة جتني تتعذر تقول اتأخرت الوعود

وانا مستغرب واسمع وكأني وعدها خنته

حسبت انها تمازحني وتتصنع جف وسدود

ضحكت بوجهها من قلب مع انها بايخه النكته

وقالت ارضى بالواقع قلبي ماهو المعهود

تغير كل شي صوبك نصيبي مااظنه انته

كنت بيوم محبوبي ولكن مااظنه يعود

وصل من قبل ماتوصل وانا ذاك الصبر عفته

ولكن تكفى صدقني ويشهد ربي المعبود

ترى ماخنتك بغفله ولاكلمته وشفته

صراحه اهلي قالولي انه ولد اصل وجود

وجتني امه بالصوره وبكلمات المدح اخته

سكت وقلت هي فرصه مادام الجود في الموجود

وقالو كل من حولي علامات الرضى سكته

وانا فكرت دام امه واخته ماعليهم زود

اكيد اني براضيهم اذا وافقت واخترته

وراضي اهلي وخواني مادام ان الفرح معقود

عطيت الناس انا كلمه ومعاهم وقتي حددته

ولا اقدر اغيرها ترى عند العرب منقود

اوافق واعتذر باكر واقول الراي غيرته

تبي تشرحلي المنقول تصدق عاد يابو سعود

تبيني اقتنع وارضى بحالن عمري ماعشته

انا ماني بقايل عسى يفرش ثراها ورود

بعد ماحطمت قلبي وطعم الموت جربته

عسى في فستانها اشواك وفي ثوبه عقارب سود

ونارن تحرق الكوشه وتحرق بيتهم حته

وموتن ليلة الدخله يبرد حرتي ياكود

ولاحس انها بحضنه يلامس خد لامسته

علي اهون اذا ماتو ولابنفس السرير رقود

ترى صعبن علي اتخيل اللي ماتخيلته

عسى قاع الثرى يقسى ويتحول صخر جلمود

وحفار القبر يرفض يسوي فوق مقدرته

ترى دفنج عديم الذات تلوع حتى جبد الدود

ومن خان العهود ومات تعافه حتى مقبرته

عسى ربي يجازيهم بحبلن من مسد ممدود

يعلقهم من اطرافه وفوقه نارن وتحته

انا ماني حقود وشين ولاني من نسل جلمود

ومن حط نفسه بوضعي بيقول اللي انا قلته

مادام الفعل له ردة فعل والله ابشري بردود

بدعي دامني حي وبغرس للدعى نبته

وبسقيها نزيف القلب ودمعن مارحم الخدود

وتكبر والثمر ثاري من اللي خانني وخنته

انا نذرن علي اكتب وفجر هالقصيده رعود

واسمع كل البشر صوتي عجبته ولا زعلته

وردد للي يسمعني اذا حبيت حط حدود

انا حبيت دون حدود وشوف اللي تكبدته

ثلاث سنين انا ابني وجت صوره بكل برود

خذت من شقى عمري وحلمن قلت حققته

ثلاث سنين انا اخطط لهذا اليوم يابوسعود

وتوافق من كلام اخته وصوره اربعه بسته

انا ماني بقايل عسى يفرش ثراها ورود

بعد ماحطمت قلبي وطعم الموت جربته

عسى في فستانها اشواك وفي ثوبه عقارب سود

ونارن تحرق الكوشه وتحرق بيتهم حته


قالها من حرقته..

الله يعين قلبهـ..
ويوفقها..
مفروض يتمنى لها الخير دامه يحبها:(..
عوافي

احساس
مشكووووووووووره قلبي على المرور

سمِعتآ هآذيِ القصيدهًٍ .. مررهً تحًٍزنٍ‘

مآنًٍنًٍحرمٍ‘ منًٍكٍ غنآتًٍي‘

غنوجه
يسلملي مرورك يابعدي