بُسِمٍَ
الله آلذِيً لآ يًضَرٍ مٍَعُ آسِمٍَهُ شُيً َفٍيً آلأرٍضَ وٍلآ َفٍيً آلسِمٍَآء
وٍهُوٍ آلسِمٍَيًعُ آلعُليًمٍَ
سِبُحِآنٍ الله
وٍبُحِمٍَدُگ أشُهُدُ أنٍ لآ إلهُ إلآ أنٍتِ , أسِتِغٌََفٍرٍگ وٍأتِوٍبُ إليًگ
 |  | ||
 |  |  |  |
| |||||||
| نكت - مواقف مضحكة - ترفية نكت , نكت جديده , مواقف مضحكه جدا , ضحك , وناسه , وساعة صدر |
 |
| | LinkBack | أدوات الموضوع | إبحث في الموضوع | انواع عرض الموضوع |
08-09-2008,
11:34 PM
| رقم المشاركة : 1 |
|
هنا الرومانسيه على الاصول ولا بلاش ... ( ممنوع دخول اقل من 18) السلام عليكم ورحمة الله وبركاته وش اخباركم ماااااااعليكم بالطويله .. مره يقالك من بر الوالدين رايح لبيت جدي الاكبر ( نايف الخامس عشر ) وانا جالس مع جدي وجدتي بالحوش اصبلهم قهوه وشاهي وهم ماغير يدرررردبون من هالشواهي وانا فااق خشتي انتظر احد يمد فنجاله . طوفريه كلها كراث وحب قرع وحب ملكي ( الي اكثره قشام ) وشابوره وبساكيت ابو ميزان و كليجا والمعمول وعاد بدا جدي يتغزل بجدتي .. ويتذكرون ايام الصبا . و هي استحت اللهم ياكافي ونزلت عيونها واخذت تداااعب جدايلها بانامل ايديها المتحنيه ووجهها غدا سبع اللوان تقل بيتزا بالخضار حجم وسط بعد .. على هااك الديرمان الي يحووووق حووق بخشتها الي مافيها الا سنن واحدن يلمع من زود ماكرفت المسواك من زود الفرك ومسوووويه توها ام خمس طعش . تستحي وتمايل راسها من زود الحياء ذكرتني بالافلام ايام سعاد حسني ومرفت امين . ينعن شكلهم على هالجو !! واتخيل وشلون تعرفو على بعض ؟ بالشات والا المنتدى ؟ يمكن بايامهم كانت المنتديات من كراتين والمحش بمحل الماووس ؟؟ والا يوم خطمت انا عليهم بسؤال .. جدي وشلون رقمت جدتي وتعرفت عليها ؟؟ رجججججع رجله اربع متر ورجفني هااااك الرجفه ماردني الا اسطوانات الغاز وقال.. انت هااااالحين ماتقولي وش هالسؤال الي زي وجهك ؟ وبعدين كم مررررره قلتلك ولمحتلك وغمز ت لك صرف نفسك اذا شفتنا خاشين جو رومنصي ؟ نفضت غبار الحوش الي على ملابسي ورجعت لمحلي ولا كن شي صار .. وجدتي المصون الى هااااااالحين معج عجه بالهوى العذري وخااشه جووو مع الرومنسيه الي ماتجي الا وقت الضحى نزلت راسي واستحت اناظرهم الا باستراق النظرات بين حين والاخر << مااااااحد يمديه على اللغه والبلاغه و ابطال الفلم الهندي. ماسكين خط الاردن بالكلام والغزل .. هو يررجم الكلام وهي تنغزه وتشد دراعتها على رجليها انا احبسس يالفطــمي حبن ولا حب البخيل لريال .... وامووووت بعيونس الداعجات بس لوما هالغمص هالي كنه ملعقه حمبص ( حمص ) اه ه ه ه ه بس ياهالعنق المتصفط هالي كنه لي مكنسه كهرب . بس ماعليه ان شاء الله عمليات شد الوجه بتطال رقبتك لو يدرون الناس عنك كان سموووك فطمي عجرم . من زود حلاااك المحــلي و على سموم القيض الي تداعب فرقا راسك الي كنها كبوت كابرس 82 وجدتي ياالله تتكلم . ومشكله اذا تكلمت ؟؟ دلت تتع تععععع وترتجف تقل ذابحها البرد وبعد شق الانفس نطقت السندرلا انا اثعـد انثــانه عايشه على وجه الارض والثعوديه واثــيا واوربا.. ومن كم ثنه وانا ماحثيت بالي احثبه هالحين ... انا رحمت جدي ... وقلت . جده ماتقدرين تتكلمين بجمله بدون ذكر حرف السين ؟؟ اللتفت علي جدي وعيووونه تطاير شرار ! ؟؟؟ خذ هالقروش وانقز للبقاله وهااااااات لنا كيس صامولي وهات لجدتك اربع زبادي وخبز بـر وفشار برنقز و تعرفون الشباب يحبون هالسوالف الرومنسيه ومن باب ماجاء باللقافه وحب الاستطلاع نقزت للبقاله حافي الرجلين ( القدمين ) واضف ضف اغراااضن مدري وشهن ... وارجع للبيت ومالتفت لصراخ عيال الحاره ... والا و هم مسكرين باب البيت !! واويييييز من تحت الباب !! جدددددي .. هاااااااي انت !؟ يابو الشباااااب ؟؟ ماحولك احد ؟ والله شكل روميو وجوليت جحدووووني !! واتشعمط طبلون الكهرب واطلع فوق الجدار . واشوف !!! الا والاخوان قالبينها فديو كليب بالحوش بس بالحركه البطيئه .... ومدري هو انا اضحك ! والا اسكت ؟ والا اقولهم افتحو الباب ؟ وهم ماغير يدوروون على النخله وجدي فاسخ شماغه ومطلعن صلعته هالي كنها صلعه بدر الدجى على اني ماشفتها .. وماتسمع الا هالضحك !!؟ بس ضحكهم كنه صوت فرامل جمــس كذا هااااه ( هااكككك هاككك هاككك هاككك .. كحححح كحححح كحم كحو كحط كحش كحم وجدي ماغير يفترررر وعاض على براطمه وتتقوطر سعابيله .. وفتاااة الاحلام راااااايحه وطي وانا متابع من فوق السوور وواااقف وشاد عيوني و جسمي كني من جمهور ســـعد الحارثي لاضيع هجمه >>  ومادريت الا وتتعكرف جدتي بعصا مكنسة الحوش وطاحت بحوض النخله !! ويجيك توم كرووز ويجرها والا يوم مصع يدها قلت يووووووووه بس عز الله الفقس و لزقة ابو اسد بتدهر اليوم .. و هي جالسه خـلـــقه قرمــبع وشلون لا تكرفست بالحوش ؟ الا وانا عجزت امسك نفسي . واضحك واضحك نسيت اني فوق السور ولوما اني خبير مناقز و تشعمط الجدران والا كان نشبت بوجهي دله القهوه عقب مارجمها العاشق الولهان ( جدي ) ويشيل جاك حبيبته ويعيد احداث التايتنك .. ويقرب لها نعالها النايلون ( Boos ) ويتقاضبون مع عتبة البيت ( الدرج ) ويدخلها لغرفتهم وكلهم اوجاع واخزان تقل فريق طالع من المربع الذهبي بضربات الجزاء ونقزت على الهايلكس وطحت بالاغراض الي معي على الارض .. ومادريت وش الي شاريهن الا يوم صك براسي قوطي التونه . الفوائد المستنبطه .. ( والله ما اضن فيه فوايد ) 1- لاعمرك تحاول تخش جو رومنسي مع وحده ثرما .. عطني بوثـه !! بثم الله عليك !! 2- تتوقع لو الشياب يناظرون الفديو كليب و الافلام الرومنسيه بيلتـفتون لعجايزهم 3- قبل لا تطلع ومامعك مفتاح اسحب المزلاااااج عشان ماينصك الباب عنك 4- مالي جده اسمه الفطمي بس حطيت هالاسم كالضروره الشعريه واجدادي الله يرحمهم ويرحم اموات المسلمين. خلاص كل مخي ما فيه ولا شي  |
 |
|
08-09-2008,
11:43 PM
| رقم المشاركة : 2 |
|
|
رد: هناء الرومانسيه على الاصول ولا بلاش ... ( ممنوع دخول اقل من 18) يعني ليه اللي تحت 18 ما يدخلون هاذي عنصريه |
| |
|
08-10-2008,
12:28 AM
| رقم المشاركة : 5 |
|
رد: هناء الرومانسيه على الاصول ولا بلاش ... ( ممنوع دخول اقل من 18) جدي الاكبر ( نايف الخامس عشر ) |
| |
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | إبحث في الموضوع |
| انواع عرض الموضوع | |
|
|
![[ Thanks Pink & Candy 3hood ]](images/Pink-Candy/Pi-Ca-57.gif)
~> بيجيني كف محترم 
العرض العادي
