آنا آسف ....

معليش ياأعضاء هتوف

يمكن أنا غلطت بكلامي على دول الخليج

وأحب أعتذرلكم كلكم

ولاحد يشيل بخاطره علي

وجل من لايخطئ

وبس

وهذا إهداء للشعب الخليجي

الله اكبر كيف تخدمني الضروف &&& لجل بنت شفتها بيـن الضيـوف

من بنات الحور خضبات الكفوف &&& حسنها مع وصفها شـي كبيـر

أضحكت لي واشرت بنت الحلال &&& وارمشت بالعين غمزة مع دلال

محتواها اثنين حسن مع جمال &&& ليتنـي اكسـب رضاهـا بالمسيـر

وقفت قالـت تكلـم باختصـار &&& أتعبتنـي وقفتـي طـول النهـار

لو تقول وش انت من أي الديار &&& ما يهم ان كنت تاجـر آو فقيـر

قلت آنا يا بنت من دار الكرام &&& من لفانـا قاصـدآ يلقـى احتـرام

حبنا للضيف تقدير وسلام &&& الكرم والجـود وعكسـه مـا يصيـر

قالت كويتي اضني ما خطيـت &&& بيـن ممشـاك جـزم لا نويـت

شيخكم جابر بخيص بكل بيت &&& ما يداني شوفت احد (ن) مستجيـر

قلت آنا يا بنت صعب تعرفين &&& وان عرفتي مـا هقيتـك تبخصيـن

بالقبايل والعرب وش تفهميـن &&& يـا هنـوف يجهلـك شـي كثيـر

قالت انت من المحرق والمنامه &&& وان تكلم واحد (ن) يوزن كلامـه

يمشي بعز وشموخ واستقامـه & &&الخليفـة ومـن يجاورهـم بخيـر

جعل ربي يحفضك بنت الأصول &&& ان عرفتي مقصدي شرحه يطول

مقصدي واضح ولا ضني يزول &&& لكن اخطيتـي بتحديـد النضيـر

قالت الشكوى على الله من قطر &&& ياعسى سقياها سيـل مـن مطـر

الفخر في أصلهم كل الفخـر &&& ديـره ال ثانـي عساهـا تستنيـر

قلت والله حيروني هالبنات &&& ذكرهم بالخيـر فـي كـل الصفـات

الحقيقة صعب تحديد السمات &&& بـس تـوك مـا وصلتـي للستيـر

قالت الظاهر عرفتك من بعيد &&& وش يفيـد ان قلـت والله مـا يفيـد

دار زايد يا عسى خيره يزيد &&& هي ديـار العـز والخيـر الوفيـر

قلت والله منيتي في دار زايد &&& التمني وان حصـل صعـب وكايـد

هم هل الفزعات وأهل للشدايد &&& شيخهم زايد ولـه قـدر(ن) كبيـر

قالت اسمع لا تفارق هالمكان &&& ولا تحاول لو يطول ابـك الزمـان

حد علمي من صلاله في عمان &&& انكشفـت وبيـن السـر الخطيـر

قلت والله ما وصلتي للجواب &&& وكل وصفك جاوز حدود الصعـاب

يا عسى مسقط يغطيها سحاب &&& وتزدهر بالخير فـي جـو مطيـر

قالت سعودي ووصفك ما يضيع &&& هم هل الشيمة وأهل قدر(ن) رفيع

كل بيت شامل حب الجميع &&& ديره ابـن سعـود يحسـب للمجيـر

قلت والله في كلامك صادقة &&& ديرتـي يـا بنـت الشرقيةوشمس شارقـة

كما سحاب ومزن شعشع بارقة &&& مملكة والجـود فيهـا مـا يحيـر

أضحكت ضحكة وقالت واهني &&& من بقربـك لـو بساعـة يهتنـي

والسعودي صعب راسه ينحني &&& وان حنى راسـه يعلـه للكسيـر



أكرر أعتذاري

[ خليجنا واحد ]

هذه لك خاصه من أخ حبيب

والله تعجبني عبوود
آنـآ آكــثر وآحــد يعجبني
اللي يغــلط ويعــتــرف بــغلــطهـ
.

عبودي ,, اعتذارك يدل على طيب اصلك

واعرف انفعالك جاء لحبك لوطنك واخلاصك

بس كان عليك تمسك اعصابك شوي ,, ولايهمك القيل والقال عن بلاد الحرمين

الشجره المثمره ,, فقط هي اللي تقذف

لامانع من الاِنتقاد ,, لكن بأدب الحوار وواقعية الأحداث

لا بأسلوب الجمع والغالبيه

ان شاء الله الجميع يقبل اعتذارك ويتفهمون مقصدك

دمت بود