بقولك شي بس لاتنصدمين؟!ترى زوجك كان حبيبي؟؟

اقولك شي بس لاتنصدمين ترى زوجك كان حبيبي ,.,؟


أنا حاب أفتح هالموضوع الحرج والحساس شويا والمشاركه للجميع البنات و الشباب

:

:

:


البنت: إذا صار وتقدم لك فارس أحلامك اللي تتمنيه و تمت الموافقه و صار الزواج بعدين تتفاجأين

بأن صديقتك تجي تقول لك زوجك كان حبيبي .... أنا أعرف أن البنت حساسه وبسرعه تتعلق بشريك
حياتها و عاطفيه ولا بتقدر انها تنفصل

لكن السؤال هنا

في حالة إذا زوجك صارحك من قبل بعلاقة حب سابقه و بعدين تعرفين بأنها صديقتك شنو راح تسوين ؟

في حالة إن زوجك ولا لمح لك من الأساس إن في علاقة سابقة بحياته ..هل راح تشكين بزوجك

أو صديقتك بتقولين غيرانه وطلعت مثل هالكلام ؟؟:

:

:

الولد:نفس الشي اذا رفيجك جاء وقال لك إن زوجتك كانت حبيبتي و الأسئله لنفس الإحتمالات

لكن الولد يمكن أنه راح يطلق زوجته لأن ما عنده هالسوالف أو بيشك بصاحبه أو بيصارح زوجته

اللي حبها وتعلق فيها و هي أميرة أحلامه و في نظره لا تعوض بغيرها من النساء أو أن منفتح و

يؤمن بالحب و أنه عادي البنت تحب وتفشل علاقتها


لكن السؤال للطرفين : هل راح تكون هناك ثقه أو تنعدم في حالة أن الكلام صحيح وإستمر الزواج


وهل يهمك ماضي شريك حياتك ((السؤال للجنسين))


نريد تفاعل مع الموضوع

اول يسلمؤؤؤؤؤؤؤؤؤ على الموضوع
ثاني شي انتي قلتي ماضي يعني حاجه راحت ماتقدري ترجعيها
بكون واثقه فيه لو ماكان يحبني ماكان تقدم لو من اول كان تقدم للي يحبها قبلي وماراح اصدق صديقتي ممكن تكون تبي تخرب بيتي او غيرانه
وهل يهمك ماضي شريك حياتك لا عشان كل شخص له ماضي ومااحب ارجع الماضي عشان تكون الحياه سعيده
وهذي من وجهة نظري تقبلي مروري

تسلمي خيتو على مرورك

هل راح تكون هناك ثقه أو تنعدم في حالة أن الكلام صحيح وإستمر الزواج؟

اكيد راح تنعدم الثقة اذا هي ماااصارحتني من البداية وشدراني اذا هي مب خاشه عني شي ثاني ..

وهل يهمك ماضي شريك حياتك ؟

اكيد راح يهمني هاااي الانسانه راح اعيش معها طول العمر

وانا اقول دايما ان يكون في مجال ان بين فترة الخطوبه والزواج علشان يتعرررررفون على بعضهم احسن
مشكووووره اختي عالموضوع

بل وش هالموقف ..!

بس شوفي يا قلبوو انا اقول ان مافي ريال ما يكلم بنات الا نسبه قليله يمكن معدومه بعد !

ف اكيد بيكون له ماضي .. مااحاسبه ع الماضي بحسابه على الحاضر ..وبسكر باب الماضي

بس انه يكون مع رفيجتي لا صعبه !! صعبه واااايد

يعني مدري وش اقولج بس لو ان العلاقه للحين بينهم اشوف ان بيصير لها موقف

وبتفقد الثقه بكل الناس اذا اقرب الناس ..سولها جيه ..

اذا رفيجتي يات قالت جيه .. !

بس شالمناسبه تقولي اكيد في شي للحين

ولا وش تبي ليش تسوي جيه تبي تقهرني ولا وشو ...؟

<<<<<< تحمست وصدقت الموضوع ان شاءلله محد يمر فيه لانه صعب ..

وطبعا زوجي حسابه عسير يمكن اطلقه ههههههههههه <<< ينيت من الموقف



شكرا شكرا يا غرامووووو ويارب مايمر الموقف لاحد ابد ابد