يامرحبا بالعيد -لكنه تغير

السلام عليكم ورحمة الله وبركاته

كيف حالكم إن شاء الله دائما بخير ؟


مــدخـــــــــل ..!



كنـت اقول في السابق ..

وكنت ارددهــــــا

يامرحبا بالعيد ..
طولت بغيابك..
هل للفرح بتعيد ..؟!
وتعانق احبابك ..؟!

بس منهم احبابك ؟

اللي تحروك ..

برجوى الـه كبير
ثم اصرخوا مبروك
عاده علينا بخير ..

الله يا صوت الطير...!

فوق الشجر غرّد
واسمع انا التكبير ..
بالمسجد يردّد..

واطفالنا فرحين ..!


بثيابهم رزّه ..
عسى الوطن والدين ..
في خير وبعِـزّه ..

يامرحبا بالعيد ..
طولت بغيابك..
هل للفرح بتعيد ..؟!
وتعانق احبابك ..؟!


شيباننا لاهين ..
في محفل الاعياد
بالخير مجتمعين..
ما للردي مقعاد ..

يالله عساه ينعاد.!

هالعيد يارحمان
فيه الفرح وقّاد
ونفارق الاحزان..


ومن هناك ..


سالم معه خمسين
وصالح معه ميّه
واحمد ترى مسكين
ماجته عيديه ..!


بس الفرح سايد


وجمعتنا هي المكسب
ولو الحزن زايد
باعيادنا تذهب ..
*
*
*
يامرحبا بالعيد ..
طولت بغيابك..
هل للفرح بتعيد ..؟!
وتعانق احبابك .؟!


ثم اغمض عيناي قليلاً

واصدم بالواقع الاليم .. ماذا كنت .. والان ما اللذي تغير ؟!

هل تريدون ان تعلمون ؟!

القصيده , هي مرآآتي .!


تفضلوا ..



العيد يرسم في خيالي تصاوير
تبقى على مر الزمن والليالي

اذكر ابوي اللي خذته المقادير
يومه يعايدنا بمد الريالـي

واذكر حبيبن صابه اليوم تغيير
كان القريّب واصبح اليوم سالي

امور صارت في حياتي مغابير
مر(ن) جرعته كان بالامس حالي

لاصاحبن يسأل ولا..اخٍ كبير
ولاخاطرٍ يُجبر بقولت: (حلالي)

العيد وشهو العيد ضيقه وتكدير؟
لامن تذكرتك يبه في خيالي

اذكر دلالك ..والغضى ..والمباخير
واذكر تباريكك مابين الرجالي

يادمع كل عامن وحضرتك في خير
ذا موعدك وانتا على الراس عالي

محد(ن) يواسيني بوقت التعاسير
غيرك ولاحدن يلتفت في مجالي

ياصاحبي وينك عيوني مساهير
تنطر وصالك ياعزيز الوصالي

العيد يرسم في خيالي تصاوير
تبقى على مر الزمن والليالي


مخرج


ياليله العيد قولي ويش اسوي بك؟
مدام ابويَا رحل ماعدت تعنيني

يالعيد واللهِ مااقصد في عذاريبك
لكّنّ.. فراقه فتق بالقلب جرحيني

الناس تفرح وانا ماغير امنّي بك
عسى الحزن في حياتي مايدانيني

ذكرت ابوي وذكرته يوم يهلي بك
ويقول الله واكبر يالله تعيني

ونروح للمسجد ونرش من طيبك
يانكهة العيد عودي وينك وويني

ايام راحت وانا ماغير اطرّي بك
واقول عيده علينا يالله سنيني

يابوي حالي بدونك دوم ترثي بك
دام القمر غاب عني منهو يحويني!؟

ياعين من راح عني وانا ابكي بك
وادري البكا مايعيده لوبكت عيني

انتهى


نواف الناصر