| |||||||
| قصص - روايات - روايات طويلة قصص , قصص طويلة , قصص رومانسية , روايات - روايات طويلة - تحميل روايات ، روايات طويلة رومنسية ، روايات تكست روايات نصية ، تحميل رواية txt تحميل رواية word روايات حب رومنسية |
 |
| | LinkBack | أدوات الموضوع | انواع عرض الموضوع |
 منذ /05-13-2009, 02:31 PM
| #1 | |||||
| أحلى دلوعه
 | روايات كثر حلوة
في الصالون : نور : بسرعة تراني متأخرة على الحفلة الكوافيرة : أوك مدام نور : أي عفية و بعد ربع ساعة كملت الكوافيرة تسريحة شعرها .. فخذت ثيابها و راحت تبدل .. نور : كم صار ؟ الكوافيرة : 20 دينار نور : تفضلي .. مع السلامة الكوافيرة : مع السلامة ركبت سيارتها و قعدت تمشي بسرعة جنونية لأن حفلة زواج خالها بدأ و هي لحد الحين مب هناك .. و ما أنتبهت الا على صوت ارتطام .. فطلعت من سيارتها مستحمقة .. نور : أنت عمي ما تشوف ؟ .... : مسامحة أختي ما كنت أقصد أدعمج بس لأني مستعجل .. نور و هي تقاطعه : لا و الله بس تفكر بنفسك حتى انا مستعجلة .... و هو يطالعها من فوق لتحت : اي يبين عندج حفلة .. عيل ماني معطلتج و لة معطل نفسي .. بعطيج رقم موبايلي عشان تتصلين فيني و نحدد تكاليف سيارتج .. نور : شوف يا .. .... : يوسف نور : شوف يا أخ يوسف أنا ما أقدر أطول الحين .. أنت هات الرقم و انا بعطيه لأبوي عشان يتصرف يوسف : تفضلي نور : دام فضلك يوسف : أكرر أسفي .. في أمان الله نور : مع السلامة .. و ركبت سيارتها بس ها المرة كانت تمشي بهدوء و تفكر بالحادثة اللي صار لها الى أن وصلت تفكر في الأخ اللي دعمها .. كان وسيم بطوله و شكله .. نور و هي تقول بقلبها : أعوذ بالله أنا في شنو قاعدة أفكر .. بس شخصيته كانت قوية .. ليكون هاي أعجاب ؟ .. و استغرقت في تفكيرها الى أن وصلت للفندق .. في الفندق :: نور : السلام عليكم نوف : و عليكم السلام .. و ينج ؟ جان رقدتي أكثر ؟ نور : شاسوي في طريجي واحد دعمني نوف و هي تشهق : الله يقطع ابليسه ما لقى الا اليوم يدعمج .. بس عسى سيارتج ما تضررت وايد ؟ نور : لا بس انشمخت شوي .. و هو عطاني رقمه عشان يدفع تكاليف التصليح نوف : لازم يدفع الا تعالي امج وايد تحاتيج نور : وية عليها مسكينة نوف : بسرعة امشي ندش القاعة عشان تتطمن عليج نور : يالله عيل أمشي ( نوف هي أعز رفيجة عند نور .. و اللي قوى علاقتهم أكثر هو أن اليوم عرس خال نور ( حسن ) من خالة نوف ( أحلام ) ) في القاعة : أم نور : وينج يمة تأخرتي وايد ؟ نور : شاسوي يمة تدرين زحمة الشوارع و لا واحد دعمني أم نور و هي خايفة : وية على بنيتي الوحيدة عسى ما صادج شىء ؟ نور : لا يمة الحمدلله بس سيارتي شوي تشمخت أم نور : الف حمدلله بدال السيارة عشر .. ما يغلى عليج شىء بنيتي نور : يعلني ما انحرم منج يمة أم نور : شخبارج نوف ؟ و شخبار أمج ؟ نوف : الحمدلله كلنا بخير .. أم نور : أمج ما تبين وينها ؟ نوف : اكاهي عند العروس أم نور : عيل أستأذنكم بروح عندها نوف : نوارة قومي نرقص ؟ نور : اوك في قاعة الرياييل : يوسف : تدري أحمد شصادني في الطريج أحمد : شدراني .. ليكون شايفني ساحر يوسف : خخخخ تنكت وية ويهك أحمد : الا تعال شصادك ؟ يوسف : دعمت سيارة من السرعة أحمد : عسى ما صار شىء ؟ يوسف : لا الحمدلله سيارتي صاحية بس سيارة البنية شوي تشمخت أحمد و هو فاج عيونه : داعم بنية ؟ يوسف و هو سرحان : ولة كل البنات أحمد : أقول يا السرحان .. شتفكر فيه ؟ تراني أفهمك .. فضفض اللي في قلبك يوسف : هااا مدري شصادني من أول ما شفتها أحمد : نقدر نقول حب يوسف : هه روح ول .. اي حب يا ريال .. اممممم بس يمكن اعجاب أحمد : كل شىء ممكن .. بعدين بنسولف عن ها السالفة .. قوم الحين نشاركهم بحفلة زواج خالتك أحلام . المصدر: منتديات هتوف - من قسم: قصص - روايات - روايات طويلة
0 روايات كثر حلوة | |||||
 |
| منذ /05-13-2009, 04:41 PM
| #2 | |||||
|  رد: روايات كثر حلوة سبحان الله طلعوا اقرباء
| |||||
| |
|
| العلامات المرجعية |
| أدوات الموضوع | |
| انواع عرض الموضوع | |
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| عادي........طاح الحطب.......... و حلوة الحياة | "(اابن االشرق)" | المواضيع [ المكرره + المخالفة ] | 22 | 10-11-2009 12:25 AM |
| هل يموت الحب كما يموت الورد ؟ | مرتاحه البال | مواضيع ساخنة - مواضيع نقاش - مواضيع جريئة | 6 | 03-05-2009 01:34 AM |
| ][®][^][®][هل تعرف متي يموت قلبك ][®][^][®] | jo0o0le | المنبر الحر | 5 | 09-19-2008 12:55 AM |
| ₪Ξ_‗ـ▫♫‗=¨‾هل يموت الحب كـما يموت الورد‾¨=‗♫▫ـ‗_Ξ₪ | ღ..حنآيآإ ـآالروح..ღ | المنبر الحر | 7 | 08-06-2008 09:47 PM |
| ][ عندمـا يموت الأمل ][ | حـ الكون ـلا | أحكام الدين - واجبات المسلم - أذكار | 12 | 05-13-2008 11:52 PM |
جميع الأوقات بتوقيت GMT +3. الساعة الآن 12:24 AM.
