(غرام في مهب العجه ) للشاعر اسير القراطييس

السلام عليكم
وشلونكم تمام
مساكم اللة بالخير

وبعد تردد مرير قررت اني اكتب قصيدة غنائيه مخلوطه بشعر الحداثه وفيها ريحه دخون الماضي وعبق الصحراء مطرزة بالفن السريالي بالبعد الرابع. وان شاء اللة انها تحوز على رضاكم واتمنى من مشرفين ها المنتدى انهم يعطونا فرصه للتعبير عن ما يختلج في صدورنا من اهات والم واحزان تترجمها كلماتنا على الورق.وانا عندي احساس ان بيسون معى مقابله في احد ها القنوات وان شاء اللة اني بذكركم بخير بها المقابله
على فكرة ترا عادي اتقبل النقد الهادف مو اللي يخرب مستقبلي الشعري يعني افهموها.

اقووول بها القصيدة.......وهي قصيدة باسم غرام في مهب العجه

حبنا مثل قواطي بعجه......بس تعب وقلق وصجه
اجيتس وانا كلى وله وشووق
ويخرب موعدي اخوتس مرزوق
اااااة يامرزوووق
لو تعرف نار الشووق
اااااة يامرزوووق
لو تقدر دمعه المووق
وش اقووول
حبنا مثل قواطي بعجه......بس تعب وقلق وصجه
يمرني طيف خشتس واسهرالليل
انا وشمعتي وبردن يهدالحيل
ااااة يادروب السهر
تعبت وانا اسهر فوق السطوح
ااااة ياونه القهر
دبل تسبدي اخوتس ذا اللوح
وش اقووول
حبنا مثل قواطي بعجه......بس تعب وقلق وصجه
اغليتس والغلا ماله مقياس
لارختر ينفع ولاميزان حساس
ااااة لوتدرين
وش كثر احبتس يالخبله
ااااة لو تمترين <<<( تمترين=تقيسين)
اكبر من حب عنتر لعبله
وش اقووول
حبنا مثل قواطي بعجه......بس تعب وقلق وصجه
اشقيت انااقدامي لبيتس مشاوير
تشققت ياحبي من وطي بالمسامير
ااااة يالسنين
راح العمر وانا اجيب لكم مقاضي
ااااة يامعين
دام ذا حبتس انا بها الحب راضي
وش اقووول
حبنا مثل قواطي بعجه......بس تعب وقلق وصجه
في جمال شكلتس يالرفلا اتشقق
كل زين في هالدنيا بتس تلفق
ااااة ياضحكتس
قهقهت ماطور دباب احمر مبووش
ااااة يامشيتس
منقهت بس فوق الجدار تو متروش
وش اقووول
حبنا مثل قواطي بعجه......بس تعب وقلق وصجه
صدرن حزين وبه الف خنجرن يخجه
ولعيونتس مادريت بناسن مستلجه
وتدرين تسذا لييش
صار حبنا ياحياتي قواطي بعجه
صدز وبدون تخييش
انتي مرجوجه وطحتي بواحد رجه


أسير القراطيس(حياه بلا حياه)



ملاحظه ترى انا مأمن على القصيدة يعني مافيه امل احد يلطشها او تغنى فديو كليب واريحكم امس رايح لوزارة الاعلام ابي اسجلها ولقيتهم مقفلين وازرق بلموزين للغرفه التجارة وقالوا لي هات اوراقك والقصيدة وبكرة بنرسلها لوزارة الاعلااام مع الصبح بدري.

^^


هلا بكـ اسير القراطيس


اسرتنا هنا بقراطيسكـ ..


قصيده فريدة من نوعها ..


صح الله لسانكـ خخخخخخخخخخخ



لا هنت يالغلا


احترامي

ههههههههههههه
ياهلا وغلا بصديقي حبر ورق
هههههههههههههههههه
يالله حيه
صح بدنك ياقلبي
ويعطيك مليون عافيه ع تنوريك ياقلبي


أسير القراطيس

حبنا مثل قواطي بعجه......بس تعب وقلق وصجه
اشقيت انااقدامي لبيتس مشاوير
تشققت ياحبي من وطي بالمسامير
ااااة يالسنين

هههههههههههههههههاي

كلمااات مميزه لايمكن من احد انتاجهااا


يسلمووووووووووو

تقبل مروووووري

اهلين فراشه الربيع يعطيك العافيه

انتي بها الكلاااام تعطيني انطبااااع بالاستمرار لنشر قصااائدي وبيني وبينك اول كنت ناوي اكون قاعدة جمااااهيريه في موريتنا بس اكتشفت ان ها الفكرة يبيلها وقت قلت ابدا
من هنا بس ما ادري تهقين ان المسئولين بها المنتدى بيوافقون على اني انشر كل يوم سبع قصايد؟؟؟؟