سلاااااااااااااام
اسعد الله اوقاتكم بكل خير.
<<<< داخل ولابس قلنسوة الحرب وداق اللطمه ورابط خيله برا في المواقف
ياتماسيح العز والشموخ والسؤددي . يامناابع الذكاء<< (ايه هين ) ويابحور الدهاء <<< (يحلفون). يامن سطرتوا في غيااااااااااهب الدجى نور الملاحم البطوليه.
لقد قرعوا حزب مايسمى بالنواعم ( الضفادع) طبوول الحرب. فنحن والله لها
سنستل سيوفنا ونحدها حتى نثكن فيهن الطعان. سوف ندبجهم دبج ونعفجهم عفج . وان كانهم بطرانين الوعد بالفسحة ولا بعد الحصه الاخيرة ( بالطلعه).
اليوم وانا فوق سطوحنا اوزن اتجاه دشنا شفت عج وغبار في برحه حارتنا.
قلت بس فيه تفحيط والله واخذ الكاميرا وادرعم للمكان.
ويومن وصلت الا ذا فريق الضفادع وعلى راسهم الكابتن حلا وزين البنات كله يتدربون استعدادا للقاء النهائي قلت فرصه واطق كم صورة لاعضاء الفريق.
استلموووووووا صور فريق الضفادع الأولومبي <<< امحق فريق
( تحذير صرفوا البزران والورعان لا يشوفون الصور )
حلا وزين البنات كله و نظرة تحدى مدري نظرة طموح للفوز بكاس دوري الحواري. امحق نظرة
انا من شفت المصقال اللي نابت بخدتها دريت ان النظرة نظرة واحدن يقول معك سلف ولاعه يالطيب.
اسم اللاعب : حلا وزين البنات كله
المركز : محور ارتكااز ( وسط) موزع كور وكروت وحلاو بقر.
السرعه :اول ما تفز تبلغ سرعتها 150 بس بعد 7 امتار تكع فرامل وتنتع. وعلى ها الحال طول المباراة . ويطلقون عليها لقب ( عامود الخيمه).
المهارات الفنيه : تعتبر ملكه الاحساس طراز نادر في خانة الوسط حيث تجيد فن التوزيع والتمرير واكثر الهجمات الخطرة تبتدى من عندها . ودايم هي مسنترة في وسط الملعب ماتطلع برا الدائرة وعلشان كذا سموها (بعامود الخيمه) .وتؤمن بنظريه ( نظف منطقتك من الكورة اول بأول). وساعات اذا دفت الكورة لاجمل الذكريات تعزم الحكم على فنجال قهوة وتبسط زوليتها بنص الملعب ويتجمعون احتياط الفريق الثاني يتقهون وساعات تقلب الجلسه لسوق بيع الحمام والطراطيع. لين تمر الكورة بمنطقتها وتقوم تكمل اللعب.
أجمل الذكريات وهم شايلنها على النقاله برا الملعب اثنا اصابتها باحد المباريات.وجاز لها الجلوس بالزنبيل وقالت خذوا بي دورة على الملعب اودع الجماهير
اسم اللاعب : أجمل الذكريات
السرعه : سبوقه بالمرة ويقولون النقاد الرياضيين ثلاثه بالعالم سريعين
( الزرافة / اللموزين / أجمل الذكريات). وتبلغ سرعتها القصوى 300 ميل باليوم. ويطلقون عليها لقب ( النبيطة )
المركز : دفااااااع ( قشاش ) من غير تفااهم تقش اللاعب بالكورة سوى.
المهارات الفنيه : تعتبر أجمل الذكريات السد المنيع للمهاجمين حيث تمثل الرعب الذي يرقع ويخفق في قلوب مهاجمين الخصم. وشاطرة في تسبب ظربات الجزاء وتوهق الحارسه. وسبحان الله ما يمدي يخش المهاجم الا هي صايدته مثل النبيطه يومن تصيد فيها العصافير. ودايم هواش ومشاكل مع الماهجمين والحكام و لا تمر مباراة الا هي ياكاسرة لاعب او حكم ومرة انتهت المبارة ولا سوت شي وقامت على الجمهور وطاحت فيه تكسر وترفس .وتليتها راحت توزع عليهم ورد واندومي وحلاو حلقوووووم .
أنتهي
وانتظروا باقي الصور من لاعبين
سنترلينوووووووووووووووووووو
07-10-2007,
11:19 AM
العرض العادي
